لۆكاس بێ گونەهـ دەركەڤت
پشتی بۆ ماوەیێ دو مەهان ژ دووڤچوونێ و لێكۆلینێ پشكا یاسایێ ل فدراسیۆنا فوتبۆلا ئنگلتەرایێ بڕیارا بێگونەهییا یاریزانێ بەرازیلی لۆكاس پاكیتا یێ هیلا ناڤین یا یانەیا وێست هام، پشتی كو هاتییە گونەهباكرن ب دەستكاری د ئەنجامێن چەند یاریێن تیما خوە دا.
رۆژنامەیا تایمز یا بریتانی د ڕاپۆرتەكێ دا بەلاڤكرییە كو دەرئەنجامێ سكالایا فدراسیۆنا فوتبۆلا ئنگلتەرایێ ل دادگەهێ كو گرێدایی ب هەبوونا گۆمانێ ل سەر دەستكاریكرنا ئەنجامێن چەند یاریێن یانەیا وێستهام یونایتد د خولێ دا كو یاریزانێ وێ یێ بەرازیلی لوكاس پاكیتا چار كارتێن سۆر و زەر د یاریێن جودا دا ب شێوەیەكێ ئەنقەست وەرگربیت بۆ كارێن قومارێ، لێ پشتی كۆمكرنا بەلگەیێن پێدڤی دادگەهێ بڕیارا بێ گونەهییا پاكیتای دا، د بەرانبەر دا دبیت فدراسیۆنا ئنگلتەرایێ ژبۆ دانا رسۆماتێن یاسایی یێن ڤێ كەیسێ نێزیكی ئێك ملیۆن پاوان بدەتە دادگەهێ و یاریزانی.
