لۆكاكۆ به‌رهه‌ڤه ب نیڤ مووچه بچیته ئه‌نتر
ئه‌ڤرۆ،
رۆژناما تۆتۆ سپۆرت یا ئیتالی دیاركر یاریزانێ به‌لچیكی و یانا چێلسی یا ئنگلێزی رۆمێلۆ لۆكاكۆ به‌رهه‌ڤه ب نیڤ مووچه‌یێ خوه یاریێ بۆ یانا ئه‌نتر میلان یا ئیتالی بكه‌ت كو دگه‌هیته 15 ملیۆن یۆرۆ د سالێ دا.
هه‌روه‌سان دیاركر رۆمێلۆ دێ قۆربانیێ ب مووچه‌یێ خوه ده‌ت پێخه‌مه‌ت ڤه‌گه‌ڕیته یانا ئه‌نتر سه‌رباری ل یانا چێلسی سالانه 15 ملیۆن یۆرۆیان وه‌كو مووچه بۆ لۆكاكۆیی ته‌رخانكرینه لێ ئه‌و به‌رهه‌ڤه ب كۆژمێ حه‌فت ملیۆن یۆرۆیان رازیبت بتنێ ئێك ئاستنه‌گ هه‌یه ئه‌وژی رازیكرنا یانا چێلسی یه، هه‌مان رۆژنامێ دیاركر كو ئه‌نتر حه‌ز دكه‌ت بشێوێ خواستن بۆ ئێك وه‌رز بیت لێ یانا چێلسی بۆ دو وه‌رزان و دانا 50 ملیۆن یۆرۆیان دڤێت، دهێته چاڤه‌ڕێكرن دووماهیا ڤێ حه‌فتیێ ئه‌ڤ بابه‌ته ئێكلابیت.
