لیدیا – یا ب هیڤی مە ببمە شاهجوان و دێ بو داعشێ دیارکەم کو ئێزدیخان نامرن
ئەڤرو نیوز ، کاروان باعەدری:
بەربژێرا ئێزدی بو وەرگرتنا پوستێ شاهجوانا عیراقێ دیارکر کو ئەو یا ب هیڤی یە ببیتە شاهوان و پشکداریا خوە ژی ب رامانا سەرکەفتنا ئێزدیخانێ دبینم بەرامبەر داعشێ.
لیدا حەسەن بەربژێرا شاهجوانا عیراقێ د دیدارەکا تایبەت یا ئەڤرو نیوز دیارکر کو ئەو بەربژێرە و هیڤیا هەی کو دێ دەرچیت و گۆت: (سەرکەفتنا من و پشکداربوونا من د بەریکانا شاهجوانیا عیراقێ رامانا سەرکەفتنا هەموو ئافرەت و کچێن ئێزدی یە ئەوێن کو زولم و ستەما داعشێ دیتی ، من دڤێت ب پشکداریا خوە داعشێ ب راوەستینم و بو وان دیارکەم کو ئێزدیخان نامیت)
لیدیایێ زێدەتر گۆت: (ئێزدیان شیانێن مەزنتر ژ زولم و ستەما داعشێ یێن هەیی و ئومێدێن مەزن بو ژیانێ هەنە)
لیدیا حەسەن کچا قەزا باشیکێ یا سەر ب پارێزگەها مووسلی یە و بناڤێ موسل پشکداربوویە ، و ژ دایکبوویا ساڵا ١٩٩٥یە ، و هەلگرا باورنامەیا بەکالوریوسە.
ئەڤرو ل ئوتێلا مەنسوری ل بەغدا دێ رێورسمێن ئاهەنگا هەلبژاردنا شاهجوانا عیراقێ بو سالا 2017 هێتە ئەنجامدان.
