لیستا چارەنڤیسێ بەرهەمێ شەهیدان
سندس سالح
ئەم وەكو ملەتێ كورد هەردەم خۆدانێن خۆ و ئەوێ پەروەدەیێینە، كو ل دەمێن تەنگاڤیان و بەرتەنگیان خۆ ل هەڤدو دكەینە خۆدان و ئەوێ بریارا چارەنڤیسێ خۆ ددەین كو ب هەڤڕا بژین یان بمرین؟ لەوما درووشمێ (یان كوردستان یان نەمان) و هەلوەستێن رێبەرێ كوردان بارزانی دئێتە ئارا. ئەڤرۆ ئەم یێن ل بەر دەرازینكەكا چارەنڤیسیا و هەستیار دا كو دیسا دێ كەڤینە بەر كێر و مقەسێن دوژمنێن مە یێن داگیركەر كو ب هەمی رەنگان دخوازن مە ببنئاخ بكەن كا چاوا هەردەم د دیرۆكێ دا ئەم ب ساخی بنئاخ كرینە، گرۆڤەنە كو یێن خۆ ل بەر مە دڤەنیسن و ل پشت پەردەیان پیلانگیریان بۆ مە دادرێژن و دخوازن مە ژێك تەراوبەرا بكەن و دەرزا بێخنە د ناڤبەرا رێز و ئێكرێزیا مە دا، پێدڤی ئاماژەیان نینە كو ئێك ئێك رێز بكەین و بیرا خۆ لێ بینین، ئەو وانەیێن نها بووینە پەرتووك و د ناڤ پەرتووكێن زارۆیێن مە دا ل خواندنگەهان دخوینن بەسن. لەورا ئەڤرۆ ئەم دیسا كەفتینە بەر وان هەلوەستان یێن كو دڤێت ئەم خۆ ژ خەوێ هشیاربكەین و ژبیرا خۆ نەبەین كو چاڤێ گەلەك دوژمنان ل مەیە و دخوازن بەڕكی ل بن پیێن مە بكێشن و ئەو پیلان و خەفكێن هندە ل سەر كاردكەن دڤێت ل بیرا مە بن، نەبنە راستی و كەیفا وان ب مە بهێت، هەلبەت ئەڤە هەمی پیلانە باش و ب جەختی ژ لایێ لیستا خەباتێ لیستا 275 یا هەلبژارتنێن پەرلەمانی ئیراقێ ڤە هاتینە خواندن ل بەرچاڤوەرگرتن، ژ لایێ سەركردایەتیا حەكیمانە یا سەركێشا بزاڤا رزگاریخوازا كوردستانی ڤە، پارتی دیموكراتی كوردستان، لیستا سەرۆك بارزانی، ب ئەوێ سەربۆرا دوور و درێژ ڤە، كو هەر ژ ژیەكێ بچویك ڤە دەست هاڤێتیە چەكێ خەباتێ و ل بەر سیبەرا بابێ مەزن مستەفا بارزانی هاتیە پەروەردەكرن كو ڤی مللەتی ژ هەمی مینەت و میحنەتان قورتال بكەن ببنە خۆدانێن ئەڤێ دۆزا رەوا، لەورا دڤێت ئەم هەمی وەكو جەماوەر دیسا ل دۆر حزبا خۆ كۆم ڤەببین، و دەنگێ خۆ بدەینە لیستا شەهیدان كو خوینا خۆ بۆ ڤی ئەردی رێتین هۆسا ب ساناهی ب هەروە نەچیت خوینا هزاران شەهیدان، ب ساناهی بچین و ل دویڤ بۆقا لایەیەنەكێ دیتر بكەڤین و خیانەتێ ل وێ خوینا پاكا شەهیدێن خۆ بكەین. دڤێت بزانین ئەم یێن د ناڤا پاپۆرەكێ دا یان دێ خەندقین یان دێ ب سلامەتی گەهینە كنارەكێ ئارام، مادەم كو ژین و مرن ب هەڤرایە بلا خۆ بدەینە بەر ئاگرێ حزبا خۆ یا هەردەم د ناڤ خۆشی نەخۆشیێن مە دا. هەكە نە بلا وژدان حاكم بیت، چونكو خۆدانا ڤێ لیستا 275 ئەم گەهاندینە ئاستەكی كو هەمی دەولەت دانپێدانێ ب حوكمێ وێ یێ چاك دكەن. لەورا بلا هەر ئێك ژ مە ژلایێ خۆ ڤە پاپۆرا مەزن بپارێزێت دا مە بگەهینتە كنارێ ئارام و دەنگی بدەینە لیستا 275 لیستا هەڤپشكی و هەڤسەنگی و لهەڤكرنێَ. لیستا شەهیدێن كوردستانێ
