لیستا 275 یا پارتی دێ بیتە یا ئێكێ ل نەینەوا
دهۆك، لەزگین جۆقی:
هاریكارێ بەرپرسێ مەكتەبا رێكخستنا پارتی ل پارێزگەها نەینەوا بۆ رۆژناما ئەڤرۆ دیار كر، كورد و عەرەب و كریستیان و توركمان و شەبەك و كاكەیی و هەمی خەلكێ پارێزگەها نەینەوا د ناڤ لیستا 275 یا پارتی دیموكراتی كوردستان دا ل بازنێ نەینەوا پشكدارن و دبێژیت: ئارمانجا پارتی خزمەتكرنا خەلكییە و ل نەینەوا لیستا 275 یا پارتی دێ پتریا دەنگان ب دەستخوڤە ئینیت و بیتە لیستا ئێكێ.
بەڕەڤان حەمدی، هاریكارێ بەرپرسێ مەكتەبا رێكخستنا پارتی ل پارێزگەها نەینەوا گۆت: «پارتی ل نەینەوا یا بەردەوامە ل سەر بانگەشەیا هەلبژاتنان و كار بۆ بجهئینانا دەستووری و سیستەمێ فیدرالیەت و پێكڤەژیان و خزمەتگوزاری و ئارامیێ ل پارێزگەها نەینەوا دكەین، كو هەمی پێكهاتەیێن نەینەوا بشێن ب ئاشتی و ئازادی پێكڤە بژین».
گۆتژی: «ئەگەر پارتی دەنگێن باش ب دەستخۆڤە بینیت، ئاڤەدانی و ئارامی دێ كەڤیتە د ناڤ مالێن خەلكی دا».
