لیمۆ ھەوارمی: ئەز نەراوەستیام ھەتا من بەرھەمەکێ باش بەرھەڤکری
ئەڤرۆ،رەمەزان ھەرنی:
سترانبێژ لیمۆ ھەوارمی، د دیدارەکێ دا بۆ رۆژناما ئەڤرۆ گوت: ھەر چەندە سالا ٢٠٢٠ بۆمە ھەموویان گەلەکا نەخۆش بوو، چنکو کاریگەری ل سەر ھەموو بۆارێن ژیانێ کر، ژوانا ھونەری، بەلێ وێ چەندی دەلیڤە پتر بۆ من رەخساند کو یا بەردەوام بم و ئەز نەراوەستیام ھەتا من بەرھەمەکێ باش بەرھەڤکری، و ئەز شیام بەری چەند حەفتیان دو سترانان تۆماربکەم، یا ئێکێ ب ناڤێ ئەی دل ژ پەیڤێن مەولەوینە و ئاوازا من بوو من ئەو ستران کلیپکر، و سترانا دویێ ژی کار یێ ل سەر بەردەوامە.
ناڤھاتی، کو نوکە ل وەلاتێ کەنەدا دژیت، ھێشتا گۆت: ل ڤێرە مەزاختیێن ھاتنوچوونێ گەلەکن لەورا من گەلەک زەحمەت بر ھەروەسا گەلەک پارە ژی مەزاختن ھەتا شیایم وێ کلیپێ چێکەم، بەلێ من دڤیا بۆ ٢٠٢١ من بەرھەمەکێ نوو ھەبیت، بۆ زانین ھەتا نوکە ١٦ بەرھەم ھەنە و سێ بەرھەم د بەرھەڤن بۆ تۆمارکرنێ بەلێ پارە بۆ دڤێت و ئەزا دوورم ژ کوردستانێ و ھەردەمێ من بڤێت بھێمە کوردستانێ پتر ژ ٣٠ دەمژمێران ھاتنوچوونێ دکەم .
