لیڤەرپۆلێ گرانترین گرێبەستا دیرۆكی ئێكلاكر
د پێشهاتەكێ نوو و نەچاڤەڕێ كری دا یانەیا لیڤەرپۆلێ ڕاگەهاند ئەوا گرانترین گرێبەستا دیرۆكی د خولا پرێمەر لیگ بۆ ستێرێ سویدی ئەلیكسەندەر ئیساكی ئێكلاكر.
پشتی دانۆستاندنێن درێژ و پێشكێشكرنا ئۆفەران ب فەرمی یانەیا لیڤەرپۆلێ گرێبەستا ستێرێ خوە یێ نوو ئەلیكسەندەر ئیساكی ڕاگەهاند ئەوێ ژ یانەیا نیۆكاسل هاتییە ڤەگۆهاستن ئەوا گەهشتییە 150 ملیۆن یۆرۆیان هەتا هاڤینا سالا 2030ێ، بڤی چەندێ بوو گرانترین گرێبەست د دیرۆكا خولا ئنگلتەرایێ دا.
ئیساكی یێ 25 سالی د 42 یاریێن بۆری دگەل یانەیا نیۆكاسل 27 گۆل تۆماركرینە و گرێبەستا وی دبیتە یا سێیێ ل سەر ئاستێ جیهانی پشتی یێ بەرازیلی نەیماری 222 ملیۆن یۆرۆ و یێ فرەنسی كێلیان مپابی 180 ملیۆن یۆرۆ بۆ یانەیا پارێس سەنجێرمان.
