ل ئاكرێ و بەردەڕەشێ بەرێ بنیاتی بۆ هەژمارەكا پڕۆژەیان هاتە دانان
ئەڤرۆ، سەباح و رەمەزان:
ب بەرهەڤبوونا د. عەلی تەتەر، پارێزگارێ دهۆكێ و د. مردان خدر، بەرپرسێ لقێ نەهێ پارتی و شەعبان خەلیل بەرواری، دەڤەردارێ ئاكرێ و ئیسماعیل مستەفا، دەڤەردارێ بەردەڕەش و رێڤەبەرێ رێك و پڕان ل دهۆكێ دوهی 19/9/2023 بەرێ بنیاتی بۆ هەژمارەكا پڕۆژەیان ل سنوورێ هەردو دەڤەرداریێن ئاكرێ و بەردەڕەش هاتە دانان.
بەرێ بنیاتی بۆ پڕۆژەیێ چێكرنا رێكێن ناڤخوەیی ل گوندێ كەلات یێ سەر ب ناوچەداریا بجیلێ ڤە ب درێژاهیا سێ هزار و 300 مەتران و ب گوژمێ 647 ملیۆن دیناران، دیسا رێكێن ناڤخوەیی ل گوندێ بامشمش ل ناوچەداریا دینارتێ ب درێژاهیا هزار و 900 مەتران و ب گوژمێ 312 ملیۆن دیناران بەرێ بنیاتی بۆ هاتەدانان، كو ژ لایێ بەنكا نێڤدەولەتی یا پڕۆژەیێن سندۆقا گەشەپێدانا جڤاكی و وەزارەتا پلاندانانێ یا ئیراقا فیدڕال ب هەڤكاریا پارێزگەها دهۆكێ دهێنە بجهئینان.
هەروەسا هەر دوهی پارێزگارێ دهۆكێ سەرەدانا دەڤەرداریا بەردەڕەش كر و بەرێ بنیاتی بۆ چەندین پڕۆژەیێن جودا جودا هاتە دانان، ژ وان پڕۆژان ژی: چێكرنا رێكا گوندێ شێخانۆك سورچی ب گوژمێ 497 ملیۆن دیناران، هەروەسا بەرێ بنیاتێ پڕۆژەیێ چێكرنا رێكا گوندێ كەونەباك ب گوژمێ 340 ملیۆن دیناران هاتەدانان، هەروەسا بەرێ بنیاتی بۆ چێكرنا قوتابخانەكا نەه پۆلی ل گوندێ ئیسماوا و زێدەكرنا شەش پۆلان ل سەر دو قوتابخانان ب گوژمێ 532 ملیۆن دیناران هاتە دانان و پڕۆژەیێ رێكا گوندێ دوگوندان ب گوژمێ 313 ملیۆن دیناران بەرێ بنیاتێ بۆ هاتە دانان و دێ كەڤنە د خزمەتا خەلكێ هەردو دەڤەرداریێن ئاكرێ و بەردەڕەش دا.
