ل ئاكرێ چاندن و بەرهەمئینانا كاكیا خۆماڵی زێدەبوویە
رەمەزان زەكەریا
دگەل هاتنا ئێكەم بارانا وەرزێ پاییزێ، جوتیار دەست ب كۆمكرنا بەرهەمێ كاكیان دكەن، ئەڤ سالە ل دەڤەرا ئاكرێ چاندن و بەرهەمئینانا كاكیا خۆمالی زێدەبوویە.
ئەحمەد لەشكری، جوتیارەكێ دەڤەرا ئاكرێیە بۆ ئەڤرۆ گۆت: كاكی بەرهەمێ پاییزیە، ل ڤان سالێن دووماهیێ جوتیاران ب بەرفرەهی دەست ب چاندن و بەرهەمئینانا وان كریە و ل هەموو دەڤەرەكێ بەری ناگرن، ب تنێ ل وان دەڤەرا باش شین دبیت كو رێژا كەسكاتیێ زێدە بیت. ئەگەر جوتیار شارەزا نەبیت، دارا وێ بەری ناگریت، ژ بەر كو گەلەك یا هەستیارە.
خەلیل سادق، جوتیارەكێ دی یێ دەڤەرێییە بۆ ئەڤرۆ گۆت: دو سالە من كاكی چاندین و گەهشتینە بەری، ب تنێ ل وەرزێ پاییزێ بەرهەمێ وێ دهێتە كۆمكرن و كیلۆیێ ب هزارا و پتر دفرۆشین، بەلێ كاركرن دگەل بەرهەمێ كاكی زێدەترە، لەورا هەموو جوتیار ناچینن.
عیماد شەوكەوت، فرۆشیارەكێ بەرهەمێن خۆمالیە بۆ ئەڤرۆ گۆت: سالانە بەرهەمێ كاكیا خۆمالی زێدەتر دبیت و د بازاری دا خواستەكا باش ل سەر هەیە، كیلۆ ب هزارا و پتر دهێتە فرۆتن و سالانە خواستەكا باش ل سەر بەرهەمی هەیە كریارەكێ باش هەیە، ڤان سالان جوتیاران دەست ب چاندنا بەرهەمێ كاكیا كریە، بەلێ گەلەك یێ باشە بۆ بەرهەمێ خۆ ل بازاری ژی خواستەكا باش ل سەر هەیە.
