ل ئاكرێ دیدارا رومانێ هاته ئه‌نجامدان
ئه‌ڤرۆ نیوز، نه‌وزاد هلۆرى:
رێڤه‌به‌ریا ره‌وشه‌نبیرى و هونه‌رى ل ئاكرێ ب هه‌ڤكارى ل گه‌ل بزاڤا ره‌وشه‌نبیریا ئاكرێ د وه‌رزێ خوه یێ نوو دا دیدارا رومانێ ئه‌نجام دا و تێدا دانوستاندن ل سه‌ر چه‌ندین ته‌وه‌رێن گرنگ ل دۆر رومانێ كر.
كاوه زوهێر، رێڤه‌به‌رێ ره‌وشه‌نبیرى و هونه‌رى یا ئاكرێ بۆ ئه‌ڤرۆ نیوز گۆت: (ب مه‌ره‌ما زێده‌تر گرنگیدان ب وارێ رومانێ، ئه‌ڤرۆ رۆژا پێنج شه‌مبى مه ب هه‌ڤكارى ل گه‌ل بزاڤا ره‌وشه‌نبیرى یا ئاكرێ د وه‌رزێ خوه یێ نوو دا دیدارا رومانێ ئه‌نجام دا).
زێده‌تر گۆت: (د دیدارێ دا كومه‌كا ته‌وه‌رێن گرنگ هاتنه شروڤه‌كرن كو ئه‌و ژى هه‌ر ئێك ژ ته‌وه‌رێن رۆماننڤیسێن جیهانی چەوا رۆمانا خۆه نڤیساندی یە بو نڤیسه‌ر ئەنوەر محەمەد تاهر، دیسان ته‌وه‌رێ پێڤاژۆیا نڤیسینا رۆمانێ ل کوردستانێ٫ بتایبەتی ل به‌هدینان بو نڤیسه‌ر و رومانڤیس تەحسین ناڤشکی، ته‌وه‌ره‌كێ دن ژى بناڤێ باندۆرا رۆمانێ ل سەر جڤاکی بو نڤیسه‌ر محەمەد چەلکی هاته رێكخستن و ته‌وه‌ر ب چه‌ندین دانوستاندن و پرسیار و به‌رسڤان هاته شرۆڤه‌كرن).
