ل ئاكرێ كۆمبوونەك ل دۆر پاراستنا ژینگەهێ هاتە ئەنجامدان
رەمەزان زەكەریا:
ل دووڤ راسپاردەیێن مەسرور بارزانی، سەرۆكێ حكومەتا هەرێما كوردستانێ بۆ پاراستنا ژینگەهێ و پاقژڕاگرتنا جهێن گشتی ب سەرپەرشتیا د. دلاوەر بۆزۆ میكائیل، دەڤەردارێ ئاكرێ كۆمبوونەكا تایبەت ل گەل رێڤەبەرێن ناوچەداریان و هەژمارەكا سازیێن پەیوەندیدار ئەنجام دا.
دەڤەردارێ ئاكرێ د كۆمبوونێ دا ئاماژە دا گرنگیا پاراستنا ژینگەهێ و پاكژڕاگرتنا جادە و كۆلانێن ناڤ باژێڕ و گوندان و جهێن گشتی و گۆت: «ل دووڤ راسپاردەیێن مەسرور بارزانی، سەرۆكێ حكومەتا هەرێما كوردستانێ، دڤێت ئەڤ بابەتە ب گرنگی بهێتە وەرگرتن و پێدڤیە هەموو رێڤەبەریێن پەیوەندیدار رۆلەكێ مەزن هەبیت د پاراستنا ژینگەهێ و پاقژڕاگرتنا جهێن گشتی، دیسا خەلكێ مە ژی ب هشیاری سەرەدەریێ ل گەل پاراستنا ژینگەهێ بكەت».
