ل ئاكرێ نەخۆشیەك دناڤ مێشێن هنگڤینی دا بەلاڤ بوویە
رەمەزان زەكەریا
ل سنوورێ دەڤەرداریا ئاكرێ نەخۆشیەك د ناڤ مێشێن هنگڤینی دا بەلاڤ بوویە، شارەزایەكێ بەرهەمێ مێشا ژی ڤێ نەخۆشیێ بۆ گۆهۆرینا كەش و هەوایێ سالێ ڤەدگەرینیت.
محەمەد عەبدوللا مێشڤانەكێ دەڤەرا ئاكرێیە بۆ ئەڤرۆ گۆت: نەخۆشیەك تووشی مێشێن دەڤەرێ بوویە و چارەسەری نینە، دو هەیڤە 100 مێش مراربووینە و رۆژانە رێژەكا باش مرار دبن، چەندین جۆرێن دەرمانان ب كارئیناینە، بەلێ نەشیاینە نەخۆشیێ كونترۆل بكەین.
كاروان جەمال، شارەزایێ مێشێن هنگڤینی ل رێڤەبەریا چاندنا ئاكرێ بۆ ئەڤرۆ گۆت: نوكە ل هندەك جهێن دەڤەرێ مێش تووشی نەخۆشیەكێ بووینە، ئەڤە ژی بۆ چەند ئەگەرەكازڤریتە كۆ كەش و هەوایێ سالێ و نەشارەزایا مێشڤانایە.
ناڤهاتی گۆت ژی: ئەگەرێ سەرەكیێ مراربوونا مێشا ئەڤ سالە بۆ گۆهرینا كەش و هەوای د زڤریتەڤە، ئەگەرێ دوویێ ژی نەشارەزایا مێشڤانایە، پێدڤیە ئەو بەرهەمێ مێش سالانە دروست دكەت مێشڤان پشكەكا وی بەرهەمی بۆ خوارنا مێشا بهێلێت، دا كو پێ بژین و ژ برسا دا نەمرن و دڤێت بزانن چەوا چارەسەریا نەخۆشیێن مێشا بكەن.
ل گۆر ئامارەكا رێڤەبەریا چاندنا ئاكرێ، ل سنوورێ ئاكرێ 570 مێشڤان هەنە و رێژا سندوقێن مێشا دگەهیتە 20 هزارا و سالانە هەتا 50 تەنا بەرهەمێ هنگڤینێ مێشا دهێتە بەرهەمینان، بەلێ ب ڤێ چەندێ و نەخۆشی دروستبوون ناڤ مێشا و ئەڤ سالە دێ رێژا بەرهەمێ هنگڤینی كێم بیت.
