ل ئاكرێ هژمارەكا پڕۆژەیێن خزمەتگوزاری د قووناغا بجهئینانێ دانـە
رەمەزان زەكەریا:
ل سنوورێ دەڤەرداریا ئاكرێ هژمارەكا پڕۆژەیێن رێك و پران ل گوندێن دەڤەرێ د قووناغا بجهئینانێ دانە.
ئەندازیار محسن میرانی، رێڤەبەرێ رێك و پران و سەخبێركرنێ ل ئاكرێ بۆ ئەڤرۆ گۆت: «كاروانێ ئاڤەدانكرنێ ب پشتەڤانیا كابینەیا نەهێ یا حكومەتا هەرێما كوردستانێ بەردەوامە، نوكە هژمارەكا پڕۆژەیێن خزمەتگوزاری ل گوندێن دەڤەرێ د قووناغا بجهئینانێ دانە».
ناڤبری گۆتژی: «كارێ سەخبێركرنا بلەز یا بەردەوامە و كار دهێتە كرن بۆ سەخبێركرنا ڕێكێن سەرەكی و لاوەكی، كو ب رەنگەكێ ڕاستەوخۆ ژ لایێ ڕێڤەبەریا رێك و پران ل ئاكرێ دهێتە بجهئینان».
