ل ئاكرێ و بەردەڕەشێ هەژمارەكا رێكێن سەرەكی و گوندان دهێنە سەخبێركرن
رەمەزان زەكەریا:
ل سنۆرێ دەڤەرداریێن ئاكرێ و بەردەڕەشێ هەژمارەكا رێكێن سەرەكی و گوندان دهێنە سەخبێركرن و ئەڤ پرۆسە دێ بەردەوام بیت ل هەرجهەكێ پێدڤی بیت ئێكسەر تیمێن رێڤەبەریا رێك و پران دێ دەست ب كاری كەن.
ئەندازیار محسن میرانی، رێڤەبەرێ سەخبێركرنا رێك و پران ل ئاكرێ بۆ ئەڤرۆ گۆت: «ب پشتەڤانیا كابینەیا نەهێ یا حكومەتا هەرێما كوردستانێ، كارێ سەخبێركرن و نووژەنكرنا رێكان ل سنۆرێ هەردو دەڤەرداریێن ئاكرێ و بەردەڕەشێ بەردەوامە».
ناڤبری گۆتژی: «كارێ سەخبێركرنا بلەز بۆ ڕێكا گوندێن دازین ئێك و دازین دو ل سنۆرێ ناوچەداریا بجیلێ دهێتە كرن، ڕاستەوخۆ ژ لایێ ڕێڤەبەریا مە ڤە دهێتە ئەنجامدان، هەروەسا كارێ سەخبێركرنا بلەز بۆ ڕێكا سەرەكیا ئامیان بۆ بەردەڕەشێ و رۆڤیا بۆ بەردەڕەشێ و رۆڤیا بۆ ئاكرێ دهێتە كرن».
