ل ئاكرێ 265 شوفێر هاتنه ده‌سته‌سه‌ركرن
ئه‌ڤرۆ نیۆز،ره‌مه‌زان هه‌رنى:
به‌رپرسێ راگه‌هاندنا هاتنوچوونێ ل ئاكرێ خویاكر،کو ل سنورێ قه‌زا ئاكرێ هژماره‌كا سه‌رپێچكاران هاتینه ده‌سته‌سه‌ركرن و ل ناڤ وان دا چۆ ئافره‌ت نه‌بوون.
رائید كاروان زێوه‌ر موفتى به‌رپرسێ راگه‌هاندنا هاتنو چوونا ئاكرێ بۆ ئه‌ڤرۆ نیوز دیاركر:تیمێن هاتنو چوونێ ل ئاكرێ به‌رده‌وام ل لێگه‌ریانێ دانه بۆ نه‌هێلانا سه‌رپێچكاران ل ناڤ سه‌نته‌رێ قه‌زا ئاكرێ و ل ده‌مێ بۆرى 25 روودانێن هاتنوچوونێ هاتینه تۆماركرن و 39 كه‌س ژ ئه‌نجامێ ڤان روودانان برینداربووینه‌و 4 كه‌سان گیانێ خوه ژ ده‌ستدایه.
رائید كاروان ئاشكراكر ژی:کو 265 شوفێرێن بێ موله‌ت هاتینه ده‌سته‌سه‌ركرن ب ترومبێل ڤه به‌لێ ل ناڤ ڤان سه‌رپێچكاران چۆ ئافره‌ت نه‌بوون كو نها ل سنورێ قه‌زا ئاكرێ رێژا شوفێرێن ئافره‌ت روژ بۆ روژێ د بلند بوونێ دایه،هه‌وره‌سا 27 ماتورسكلێن بێ تابلۆ ژی هاتینه ده‌سته سه‌ركرن.
به‌رپرسێ راگه‌هاندنا هاتنوچوونا ئاكرێ خویاکر ژی: ئه‌و ماتورسكل ناهێنه زڤراندن بۆ خودانێن وان هه‌تاکو نه‌هێنه تابلوكرن.
ناڤبرى خویاكر ژی:روودانێن هاتنوچوونێ ب ره‌نگه‌كێ به‌رچاڤ كێم بووینه،ژ ئه‌گه‌رێ كامێرێن چاڤدێرى و به‌ره‌دوامیا دانانا مه‌فره‌زه‌یان ل ناڤ سه‌نته‌رێ باژێرى و جادێن ژ ده‌رڤه. ئاكرێ 265 شوفێر هاتنه ده‌سته‌سه‌ركرن.
