ل ئامێدیێ ده‌ست ب سه‌ر 35 كیلۆیێن T N T دا هاته گرتن
ئامێدیێ ، مه‌حمود نهێلی:
ل نێزیك گوندێ سه‌رگه‌لێ یێ سه‌ر ب ناحیا دێره‌لۆكێ ڤه ل سنوورێ قه‌زا ئامَدیێ دۆرێن 35 كیلۆیێن تی ئێن تی دهێنه دیتن و ده‌ست ب سه‌ردا دهێـته گرتن ب مه‌ره‌ما ته‌قاندنێ هاتبوونه به‌رهه‌ڤكرن.
ژێده‌ره‌كی ژ هێزا زێره‌ڤانێ بۆ رۆژناما ئه‌ڤرۆ دیار كر، پشتی ئه‌و هاتینه ئاگه‌هداركرن ل سه‌ر هه‌بوونا رێژه‌كا تی ئێن تی ل بن جاده‌یا سه‌ره‌كی یا د ناڤبه‌را ناحیا دێره‌لۆك و شێلادزێ دا تیمێن وان یێن راكرنا مین و ته‌قه‌مه‌نیان ده‌ست ب سه‌ردا گرت و هاته ژناڤبرن.
وی ژێده‌ری دیار ژی كر، ئه‌و تی ئێن تی ل نێزیك گوندێ سه‌رگه‌لێ ل بن جاده‌یا سه‌ره‌كی هاتبوو دانان و یا به‌رهه‌ڤبوو بۆ ته‌قاندنێ ل ده‌مێ وان دڤیا ب ته‌قینن و گۆت: هه‌ر زوو مه ده‌ست ب پێرابوونان كر و ژلایێ تیما ئه‌ندازیاری یا هێزا پێشمه‌رگێن زێره‌ڤانی ڤه هاته ژناڤبرن كو كێشا وێ دگه‌هشته نێزیكی 35 كیلۆیان”.
