ل ئامێدیێ سێ جهێن بازرگانی هاتنه دائێخستن
ئامێدیێ، مه‌حمود نهێلی:
ژ پێخه‌مه‌ت پاراستنا ساخله‌میا وه‌لاتیان و كۆنترۆلكرنا بازاری ل ده‌ڤه‌رێ لژنا ئابووری یا قه‌زا ئامێدیێ سێ جهێن بازرگانی دائێخستن.
كاروان حاجی، به‌رپرسێ لژنا ئابووری یا قه‌زا ئامێدیێ بۆ رۆژناما ئه‌ڤرۆ دیار كر، وان وه‌كو لژنا ئابووری یا قایمقامیا قه‌زا ئامێدیێ د ڤێ حه‌فتیێ دا ل سنوورێ قه‌زا ئامێدیێ ده‌ست ب سه‌ره‌دانه‌كا مه‌یدانی كریه بۆ دووڤچوونا بازاری ب ره‌نگه‌كێ گشتی و گۆت: ژ به‌ر پێگری نه‌كرن ب رێنمایان سێ جهێن بازرگانی ل ناحیا سه‌رسنكێ و كۆمه‌لگه‌ها قه‌دشێ ژلایێ لژنا وان ڤه هاتینه دائێخستن”.
گۆتژی: “مه ده‌ست ب سه‌ر رێژه‌كا كه‌ره‌سته‌یێن ده‌م ب سه‌رڤه‌چوویی ژی دا گرتیه و هاتینه ژناڤبرن و ب مه‌ره‌ما پاراستنا ساخله‌میا وه‌لاتیان و كۆنترۆلكرنا بازاری ئه‌م به‌رده‌وام دووڤچوونا بازاری دكه‌ین”.
