ل ئامەدێ جڤاتا زمانێ کوردی هاتە راگەهاندن
ب، سه‌رجان:
ل باژێرێ ئامەدێ یێ باکورێ کوردستانێ ب پشکداریا گەلەک نڤیسەر، رۆژنامەڤان، ڤەکۆلەر و کەسێن ئەکادیمی کۆمبوونەکا بەرفرەه هاتە ساز کرن و جڤاتا زمانێ کوردی هاتە راگەهاندن.
ئەحمەد کانی بەرپرسێ جڤاتێ بۆ دەزگەهێن راگەهاندنێ دیار کر، وان دڤێت زمانێ کوردی ببیتە زمانێ فەرمی یێ پەروەردێ و هەروەسا گرنگە ل هەموو باژێرێن کوردی ل باکورێ کوردستانێ ئێدی زارۆ ب زمانێ کوردی بخوونن، هەروەسا وان دڤێت ل هەموو سازی و دەزگەهێن دەولەتێ ژی زمانێ کوردی وەکو زمانێ فەرمی بهێتە بکارئینان.
ناڤهاتی ئەو یەک ژی دیار کر، گرنگە سەرمایەدارێن کورد ئێدی گرنگیێ بدەتە زمان و راگەهاندنا کوردی، سەرمایەدارێن کورد دشێن کەنالێن تەلەفزیۆنێ ب زمانێ کوردی ڤەکەن و هەروەسا هەموو ریکلامێن خوە ژی ل باژێرێن کوردی ب زمانێ کوردی بکەن، ئەو یەک گەلەک گرنگە و پێنگاڤەکا مەزنە ژ بۆ پێشڤەبرنا زمانێ کوردی.
