ل ئۆرۆپا ب سه‌رکێشیا ژنان پارتیێن نهتهوهپهرست بهێزتر دبن
ب، سه‌رجان مەحمود:
پشتی کو پارتیێن نهتهوهپهرست ل نه‌مسا و ئیتالیا سه‌رکه‌فتن، نها ل دووڤ راپرسیان ل فره‌نسا و ئه‌لمانیا ژی پارتیێن نهتهوهپهرست ده‌نگێن خوه زێدەتر کرینه و ل هه‌ر دو وه‌لاتان ژی نها پارتیێن دویێ نە، ل فره‌نسا بەرەیێ نه‌ته‌وی د بن سه‌رۆکاتیا مارینا لۆپن ده‌نگێ خوه گەهاندیه ٢٤% و ل هه‌لبژارتنێن سالا 2021 دا وه‌ک پارتا دویێ چوو په‌رله‌مانی، د هه‌لبژارتنێن سه‌رۆک کۆماریێ ل سالا 2022 دا ژی رێژەیا ده‌نگێن مارینا لۆپن گەلەک زێدەتر بوون، ژ سالا 1974 ڤه د هه‌ر هه‌لبژارتنه‌کێ دا رێژەیا ده‌نگێن خوه زێدەتر دکه‌ت و نها وه‌ک پارتا دویێ یە ل فرەنسا، بەرەیێ نەتەوی ل دژی هاتنا پەنابەرانە بۆ فرەنسا و داخوازا پێرابوونێن توند ل دژی پەنابەران دکەت.
دیسان ل دووڤ راپرسیێن هەری دووماهیێ ل وەلاتێن وەکو سوید، نەرویج و فنله‌ندا ژی ده‌نگێن پارتێن نهتهوهپهرست گه‌له‌ک زێدە بووینە و چاڤدێرێن سیاسی ژی دیار دکەت زێدەبوونا دەنگێن نەتەوەپەرستان مەترسیەکا مەزنە
