ل ئیدارەیا سەربخوە یا زاخۆ 40 بووك و زاڤا دێ هێنە خەلاتكرن
زاخۆ، عەلی حاجی:
سەرپەرشتێ ئیدارەیا سەربخوە یا زاخۆ دیار كر، د ماوەیێ دو سالێن راگەهاندنا ئیدارەیا سەربخوە یا زاخۆ دا، سەرۆكێ حوكمەتا هەرێما كوردستانێ پشتەڤانیەكا باش ل وان كریە و ئاریشەیا زاخۆ ژی جاددە بوون و ئەو ئاریشەیە ژی یا دهێتە چارەكرن.
گوهدار شێخۆ، سەرپەرشتێ ئیدارەیا سەربخوە یا زاخۆ خویا كر، د دو سالێن بۆری دا كارەكێ باش ل سنوورێ ئیدارەیا سەربخوە یا زاخۆ هاتیە كرن و نوكە بەرهەمێ وێ دهێتە دیتن و گۆت: «ب رێژەیا 80% جاددەیێن زاخۆ دێ هێنە قێركرن و ئەو 20% یا مایی ژی ل وەرزێ هاڤینا داهاتی دێ هێنە قێركرن».
دەبارەی فلكا مەم و زین ژی گۆت: «نوكە سێ هەلبژدە ل بەر دەستێن مەنە و دووڤچوونەكا باش بۆ دهێتە كرن، دا كو بزانین د پاشەرۆژێ دا دێ زێدەتر مفای ژ كیژكێ وەرگرین، ژ بەر هندێ ئەم نوكە هزر د هندەك پلانان دا دكەین، دا كو قەرەبالغیێ كێم بكەت و ئەو پڕۆژەیە د قووناغێن دووماهیێ دایە».
ل دووماهیێ گۆت: «بڕیارە سوبەهی 20/9/2023 د رێورەسمەكێ تایبەت دا 40 بووك و زاڤا بهێنە خەلاتكرن و مەزاختیێ ئاهەنگا وان ژی مە ب ستوویێ خوەڤە گرتیە و ئەم دێ بەردەوام ژی بین ل سەر خزمەتكرنا خەلكێ ئیدارەیا سەربخوە یا زاخۆ».
