ل ئەمنا كەركووكێ هەمی زیندانیان كنفا سێدارەیێ دڤیا و ب دەست نەدكەفت
سالار محەمەد دۆسكی:
2- 4
ئەم راست رابووینە ڤە وی دەمی شەڤ و تاری بوو و ئەو پێشمەرگە چوون و مالا مە ل سەر رێكا سەرەكی بوو و دەمێ ئەو پێشمەرگە چووین ئێكی دێربینەكا خوە هێلا بوو و لەشكری گەلەك رەمی ل مالا مە كر، و من هزر كر ئەو پێشمەرگە هاتنە شەهیدكرن و من ژی دێربینە بر و بوو هاڤێت و ئێك سەر هاتمە دخانیێ خوە دا و بەردەاوم دەنگێ گولان ل هەمی ئالیێن گوندی یێ دهێت و دوڤدا دەنگێ دەرگەهی هات و من دەرگەه ڤەكر، و لەشكر ئێكسەر هاتنە دخانی دا و گەلەك قوتام و هەر چیا ژێ هاتی ب سەرێ من ئینا و گەلەك ئێشاندم و ماوەكی ئەفسەرەك هاتە ب ژوور كەفت و گۆتە لەشكری نەقوتن و پێلن و هەر ئێكسەر چەندین گولێن گوریێ هاڤێتن و شەر ب دوماهی هات، و بەرەف ژوورا مە چوون و پكشنین كرن و بەردەوام ل خانی هاتن و چوون كر و لێگەریان و پشكنین هەتا دونیا زەلال بووی و دەستێن من گرێدایی بوون و برایێ من یێ مەزن ژی شەل والەك كرێ و ئەم بەرەف مالا مامێ من برین و گوندی هاتنە وێرێ و موختار ژی هاتە وێرێ و ئەفسەری گۆتێ موختار (موخەرب) هاتبوونە گۆندی؟ موختاری گوتێ نەخێر كەسەك نەهاتیە گوندی و ئەم برینە سەرێ گوندی و ب رێكێ ڤە ژی ئەز هاتمە قوتان و هەمان دەم ئێكێ دیێ گوندی ل گەل سێ زارۆكێن وی ژی ل گەل مە دەستەسەكرن و ئەم بووینە شەش كەس ل گوندی هاتینە دەستەسەركرن، و ب ڕێ ئێخستین و ئیناینە بێشیلێ و پاشی ئەم ئیناینە فرقا بێگوڤا یا لەشكری و چاڤێن مە گرێدان و ئەم كرینە زیلان دا، و خوە ب رێڤە ژی جندیان ئەم دترۆمبێلا لەشكری دا دقوتاین و هەتا زالگەها زاخۆ ئەم برین، و ل تەنشت ئاڤاهیەكێ بەران هەبوو و ئەم برینە وێرێ و ئەم چەند شەڤان ماین، پاشی ئەم هنارتینە فرقا دوێ و ئەم ماین و پاشی زڤرینە جهێ مە ل زالگەها زاخۆ و چەند رۆژ دەربازبوون، و دوڤدا ئەم برینە فرقێ و ئەو كەس ل گەل سێ زارۆكێن وی ئازادكرن، و ئەم برینە هەوالگەریا لەشكری یازخۆ و ئەم گەلەك ئشكەنجەداین و ئێشاندین و نەچاربووین مە دانپیدان كر كو پێشمەرگە هاتینە مالا مە، و بتنێ خوارن خوارینە و بەحسێ دێربینێ كر و مە گۆتێ مە هاژێ نینە و لەشكری دێربینە دیت بوو، و ئەم ماین و رۆژەكێ داخاز كرم و برمە ژوورەكێ دا هەر هەمی یا تژی چەك بوو، و ئەو چەك یێ شۆڕەشا ئیلۆنێ بوو یێ پێشمەرگە و جورێن چەكا دوێ ژوورێ دا هەبوون، و ئەو ئەفسەر پیستێ ویێ رەش بوو و ب زمانێ عەرەبی دگۆت ئەڤە چ چەكە؟، و ئەڤە چیە؟ من ژی گۆتێ ئەز نوزانم و هەمان دەم تێگەهشتم، و دوڤدا گۆتە من ئەڤان جهی پاقژ بكە و دیسا قوتام و ئێشاندم، جارەكا دی ئێكێ دی گازی من كر و ئەز چووم گۆت وەرە ڤێرە پاقژ بكە و ئەز چووم دەركەفت ئەو كەسێ داخازكریم كورد بوو، و ب بەهدینی وەكی من دئاخفت و گۆت ئەم كورد نابینە چو چو جاران، من گۆتێ بۆچی وەدبێژی؟ گۆتی ئەوێن گەل تە دەمێ مە چاڤێن وان ڤەكرین ئەوان گۆتن ئەڤە ل گەل مە نین و ئەم بتنێ ینە و ئەز نەشیام چاڤێن هەوە پشتی ئەڤێ گۆتنێ ڤەكەم، و ئەڤە شەڤا ئێكێ بوو و بتنێ چاڤ ڤەكرن بوو، و دا چاڤێن هەوە ژی ڤەكەم لێ ئەوی ئەڤە گۆت و پشتی پازدە رۆژ دەربازبووین و هەر شەڤ قوتان بوو، و گەلەك یا نەخوش و مە تە گولێ بوویە هەوالگەریا حوكمەتێ یا خوش بیت، و هەر چو تشتێ ڤیا و پێ چێبووی ل گەل مەدكر، و دوڤدا ئەم ڤەگوهاستینە هەوالگەریا فرقێ و رۆژەكێ گۆتن تشتێ خوە لێكدەن و دێ هەوە ئازاد كەین، وی دەمی گەلەك كەیفا مە هات و مە خوە لێكدا و مە هزر كر خلاص ئەم دێ چینە مال و كرینە ترۆمبێلەكێ دا و ئەم بەرەف زالگەها دەسپێكێ یا گەلیێ زاخۆ ئینانین، گۆتە زێرەڤانی ئەگەر ئەڤان لڤینەك كر رەمیێ لێ بكە و دەستێن مە گرێدایی بووین، و ئەم وێ شەڤێ ماین و رۆژا پاشتر ئەم ب كوستەرێ برینە میسل، پاشی برینە كومەلگەهەكا هەمی خەلكێ مە یێ سۆران بوون و ئەوان جندیا گۆتی ئەم دێ خوارنێ خوەین، و ئەم ل گەل خوە برین و ئێكێ سۆران گەلەك ئاخفتنێن كرێت گۆتنە مە، ئەم نەشیاین بەرسفێ بدەین و پێنچشەمبێ برین و دەوام نەبوو و ئەم برینە ئتسخباراتا فرقا كەركووكێ هەتا شەمبیێ و ئەم برینە (هەیئا كەركووكێ) و دەستێن مە ڤەكرن و ئەم گەلەك قوتاین، و من تشتەك گۆت بیرا من ناهێت من چ گۆت و دەمێ ئەم برینە ژوور ئەوی كەسی گۆتە ئەو كەسێن ژوور ڤە ئەڤی ئاخفتنێن نەباش گۆتینە و من گۆتێ من ئاخفتن نەگۆتینە.
