ل ئەمنا كەركووكێ هەمی زیندانیان كنفا سێدارەیێ دڤیا و ب دەست نەدكەفت
سالار محەمەد دۆسكی:
3- 4
و هندەكا ملێن گرتن و گۆتن توژكی من گۆتێ كوردم خەلكێ دهۆكێ مە، كیش قەزایێ؟ من گۆتێ ئامێدیێ گۆتن كیش گوندی من گۆتێ خێرە بۆچی گۆت ئەژی خەلكێ فلان گوندی مە، ل دهۆكێ و مخابن ئەو كەس هاتە سێدارەدان و ئەم رونشتین و گۆت باوەریا خوە ب كەسەكێ نە ئینە، و پێشتر كەسەكی بۆ كەسەكێ سۆران ل ڤێرە ئاخفت و یا دلێ خوە بۆ گۆت و ئەو كەس چوو دەف ئەفسەری و گۆتێ یا دروست ئەڤی بوو من گۆتیە، و هەر هەمی بۆ حوكمەتێ كرە سەر بەركێ، و هەر كەسەكێ پرسیارا تشتەكی ژ تە بكەت بۆ كەسەكێ نە ئاخڤن، و ئەم چار هەیڤان ماینە ل هەیئا كەركووكێ و باوەرناكە ل سەر روویێ عەردی جه ژ هەیئا كەركووكێ نەخوشتر و پیستر و نە مرۆڤایەتیر هەبن، و نابن و قوتانەكا نەخوش بوو و گەلەك جاران مە دگۆت خوزی برباینە سێدارەدانێ و ئەم ل ڤێرە نەباین و نەبتنێ مە دگۆت هەمی خەلكی دگۆت هەر چ تشتێ نەخوشێ دنیایێ دا هەی ل هەیئا كەركووكێ بوو هەتا دو رۆژێن دی ژی ئەز بەحس بكەم، نخوشیا وێرێ ناهێتە قورتالكرن و هەر هەمی كەسێن وێرێ مرن خواست و ب دەست نە دكەفت و سەر شیشتن و دەست ئاڤ هەر نەبوو، و پیساتی پلا ئێك بوو و باوەركە كەسەكێ ئیماندا ل گەل مەبوو و دگۆت مامو دەستێن خوە ل ئەڤان دیوارا بدەن و هزر بكەن هەوە دەست نڤێژا خوە گرتیە و نڤێژێن خوە بكەن و دەمێ چووبا دەست ئاڤێ بتنێ خولەكەك ماف هەبوو، بچیە دەست ئاڤێ و دا رووینە خوار و ئەگەر دەست ئاڤا تە نەهات دڤێت ئێكسەر رابی و ئەگەر ب سەر دەمێ تەڤە چووبا دا هوسا تە قوتن تە ناڤێ خوە ژ بیركربا و هەر چ تە نەدهێلان و چوون، و هاتنا دەست ئاڤێ كێبل بوون و ئەم (60) مرۆڤ دژوورەكێ دا بووین و بدروستی ئەو ژوور جهێ چەند كەسەكان تێدا هەبوو، و گەلەك جاران ئەم پێدڤی ب دەست ئاڤێ بووین وی دەمێ دەست ئاڤێ نەبوو، بەتەنیەك ل پشت دەرگەهی بوو و ل پێش چاڤێن هەڤالێن خوە ئەم چووینە دەست ئاڤێ و سپێدێ دا چین ئەوی پیساتی رێژین چونكە چ رێكێن دی مە نەبوون، و هەتا ئەم گەهشتینە رۆژا دادگەهێ و چەندین تەحیق ل گەل مە هاتینەكرن، و هەتا ئەو ژ مە ب دووماهی هاتین و هەر چ قوتان و پرسیار و یا دڤیا ل گەل مەكرین و ئەم بۆ رۆژا دادگەهێ هاتینە بەرهەڤكرن، و بیرا من دهێت دەمێ برینە دادگەهێ ژنەكا رەش تەعلە ژی ئینا دادگەهێ و سزایێ وێ خاند و گۆتێ 3000 هزار دیناران یان 300 دیناران هاتە سزادان، و ئەوێ گۆت دێ پارا دەم وی دەمی ئەو پارە گەلەك بوو گەلەك دەنگێ بچیكان دهاتە مە، و ئەو بووینە ئەوێن هاتینە دەستەسەركرن و پتریا ژنان زارۆك ل گەل بووینە و ئەو زارۆك ژی ل گەل دایكێن خوە زیندانكری بوون.
هێشتا گۆت: بەری بچینە دادگەهێ خەلك ل زیندانێ دا دگۆتە مە سزایێ هەوە گەلەك نابیت، چونكە ئەوێن بەری مە چووین و گەلەك خەبات كرین، و پێشمەرگە بووین ئەوان سزایێ وان یێ سڤك بوو، و لەوما خەلكی ژی هەر دگۆتە مە یا هەوە گەلەك نابیت و مە ژی هزر كر دێ سزایێ مە یێ سڤك بیت، لێ یا نەخوش ئەو بوو ژ رۆژا گرتنێ هەتا دادگەهكرن ئەم گەلەك ئێشاندین و مە گەلەك نەخوشی دیتن، و هەتا (هەئیا كەركووكێ) وەك پێشتر مە ئاماژە پێكری گەلەك یا نەخوش بوو و مرن گەلەك خوشتر بوو، و ئەم شنی گەهشتینە رۆژا دادگەهكرن و هەلبەت مە زانی سزایێ مە گەلەك یێ مەزن نابیت، و دەمێ تەحیق ب مە هاتیەكرن و گۆتن پێشمەرگە هاتنە مالا هەوە بۆچی هەوە حوكمەت ئاگەهدار نەدكر؟، مە گۆتێ دەڤەرا مە یا دوویری حوكمەتێ یە ب چەندین دەمژمێران ما دێ چەوا حوكمەتێ ئاگەهدار كەین، و نەهێلان ئەم بەرەڤانیێ ژ خوە بكەین و بتنێ دەمێ سزایێ مە ل دادگەهێ خواندین ل مەحەیتاند و گۆت هوون پەیوەندیێ ل گەل (موخەربا) دكەن و ئێكسەر ئەم دەرخستین و ئەم شەڤەكێ ماینە ل هولەكێ ل دادگەهێ و پەنجەمورێن مە هاتنە وەرگرتن، و ئەم هاتینە ڕەوانەكرن بۆ بەغدا و برینە مەحجەری و سەرێن مە هاتنە تراشین و مە سەرێن خوە شووشتن و هندەك هەڤالێن مە قەمیس و بێجامە بوومە ئینانە زیندانێ و مە كرنە بەر خوە و ئەم چەند شەڤان ماینە ل مەحجەرێ و ئەم خەلكێ بەهدینان بتنێ سێ كەس بووین، و دوڤدا ئەم ل سەر ژوور و هولێن زیندانێ هاتنیە بەلاڤەكرن، و هەر هندەك بۆ جهەكی هاتنە ڤەگوهاستن و ئەم هەر دوو برایێن ئێك ماینە ل گەل ئێك ل زیندانێ دا ل بەغدا و بەلێ كەركووكێ ئەم جودا كربووین و مە ئێك دو نەدیت هەتا رۆژا دادگەها مە.
