ل بادۆش شه‌ر د ناڤبه‌را پێشمه‌رگه و داعش دا یێ به‌رده‌وامه
ئه‌ڤرۆ نیۆز، قائید میرۆ
ئه‌ڤ شه‌ڤه هێزێن پێشمه‌رگه‌ی ل میحوه‌رێ بادۆش ل ده‌وروبه‌رێن مووسل هێرشه‌كا تیرۆرستێن داعش شكاند و هه‌تا نوكه‌ژی شه‌ڕۆ پێكدادان د به‌رده‌وامن.
نه‌قیب عیماد ئه‌رگۆشی، ئه‌فسه‌رێ پێشمه‌رگه‌ی ل فه‌رمانده‌یا بارزان ب ئه‌ڤرۆ نیۆز راگه‌هاند” ده‌مژمێر 11ی ئه‌ڤ شه‌ڤه تیرۆرستێن داعش ل میحوه‌رێ بادۆش هێرشه‌كا به‌رفره‌ه كریه سه‌ر هێزێن پێشمه‌رگه‌ی، به‌لێ ب دژواری به‌رسڤا هێرشا داعش هاته‌دان و هاتنه شكاندن.
ئه‌رگۆشی گۆتژی” هه‌تا نوكه شه‌ڕ یێ به‌رده‌وامه و فڕۆكه‌یێن هه‌ڤپه‌یمانان بۆ پشته‌ڤانیا پێشمه‌رگه‌ی گه‌هشتینه ده‌ڤه‌رێ و بوردۆمانا چه‌كدارێن داعش، زیانێن مه‌زن گه‌هشتینه داعش، به‌لێ ژبه‌ركو شه‌ڤه و شه‌ڕ یێ به‌رده‌وامه هژمارا كوشتیێن داعش ناهێته زانین.
