ل باعەدرێ هەژمارەكا پڕۆژەیان دێ هێنە بجهئینان
لەزگین جوقی:
رێڤەبەرێ ناوچەداریا باعەدرێ بۆ رۆژناما ئەڤرۆ دیار كر، حكومەتا هەرێما كوردستانێ دێ هەژمارەكا پڕۆژەیێن خزمەتگوزاری ل ناوچەداریا باعەدرێ بجهئینیت و دبێژیت: نوكە كار ل سەر هندەك پڕۆژەیان دهێتە كرن.
ڕێزان میرزا بەگ، رێڤەبەرێ ناوچەداریا باعەدرێ ئاشكرا كر، ئەو پڕۆژەیێن بڕیارە بهێنە بجهئینان، پێكهاتینە ژ سەخبێركرنا رێكێن ناڤخوە ل گوندێ شێخ هەسەن و چێكرنا رێكێن ناڤخوە ب درێژاهیا 600 مەتران ل گەل رەخێن جاددەیێ ل سەنتەرێ ناوچەداریا باعەدرێ و چێكرنا پڕۆژەیێ ئاڤێ ل گوندێ دێدەڤانا كەڤن سەر ب ناوچەداریا باعەدرێ ڤە.
ناڤهاتی خۆیا ژی كر، ژ وان پڕۆژەیان ژی: بەرفرەهكرن و دانانا تابۆكێ ل گەل كربستۆنی ل دەستپێكا باعەدرێ و جاددەیا قوتابخانەیا شەهید مەحمود ئێزدی و سەبكرنا حەوشا هۆلا خێری بەگ و سەخبێركرنا باخچێ زارۆكان ل سەنتەرێ ناوچەداریا باعەدرێ و چێكرنا رێكا گۆرستانا گوندێ دیدەڤانێ.
ڕێزان میرزا بەگ گۆت: «چێكرنا رێكێن ناڤخوە ل گوندێ بێرستەكێ و پەرژانكرنا گۆرستانا گوندێ دێركێ ب درێژاهیا 300 مەتران و تەمامكرنا پڕۆژەیێ ئاڤا گوندێ فەقیرێت شنگالێ و تەمامكرنا پڕۆژەیێ ئاڤا گوندێ شكەفتیانا نوو و چێكرنا عمبارەكا ئاڤێ بۆ گوندێ مامئێزدینا و چێكرنا پڕۆژەیێ ئاڤا گوندێ شێخ هەسەن».
