ل بھار و ھاڤینان خوە ژ مێش و موران قورتال بکە

ئه‌ڤرۆ نيوز:

ل گەل ھاتنا وەرزێ بھارێ و دەستپێکا ھاڤینێ و بلندبوونا پلێن گەرمێ، مێش و مورێن ب زیان زێدە دبن و گەلەک کەرستێن ژەھراوی و میکروب و ڤایرۆسان ل گەل خوە دئینن، لەورا یا پێدڤیە بەرھەڤیان بکەین بۆ خوەپاراستنێ ژ وان زیانان و نەھێلین ل مال و قوتابخانان بەلاڤ ببن، بێی پێدڤی بین دەرمانێن کیمیاوی یێن ب زیان بۆ مرۆڤی بکاربینین.
گەلەک جۆرێن مێش و موران ھەنە ژ وانا: جۆبرک، مێش، پێشی، مێری، کێز، سیسرک، زرکێتک، و سپیە و رشک.
رێیێن نەھێلانا مێشو موران:
– پینگێ ھشک بکە د توورکێن نیلونی دا و دانە وان کوژیان یێن مێری ژێ دەردکەڤن.
– سیھێکا سپی ل بنێ دیواران برەشینە دا مێری ژێ دەرنەکەڤن.
– بۆ ژناڤبرنا کێز و سیسرکان ژی، قەبارەکێ شەکرێ و تۆزا سودایێ ھندی ئێک بکە ناڤ ئێک و دانە بەر وان جھان یێن کێز ژێ دەردکەڤن.
– بۆ نەھێلانا پێشیان، ھندەک سابوونا روون بکە د سینکەکا کوور دا و ئاڤێ بکە سەر و دانە د وێ ژوورێ ڤە یا پێشی تێڤە، یان ژی ھندەک سیرێ بھێرە و بکە ناڤ ئاڤێ و برەشینە.
– گۆلێن ئاڤا پیس ل تاخێ مالا تە لێ پاقژ بکە دا پێشی بەلاڤ نەبن.

کۆمێنتا تە