ل بیرهوهریا سالڤهگهرا ئێكێ یا راوهستاندنا رۆژنامهیا وار
بۆچى رۆژنامهیا وار هاته راوهستاندن؟
تهحسین ناڤشكى
پار وهكى ئهڤرۆ، بێى ئاگههداریهكا بهرى هینگێ یان كۆمبوونهك یان دانوستاندهك یان لێ گهڕیان ل رێكێن ئهلترناتیڤ بهێته كرن، بۆ رانهوهستاندنا رۆژناما (وار) یا كو پتر ژ 6 سالان ب دیالكتا كرمانجى ل دهۆكێ دهردكهفت، ژ نشكانڤه ئهز وهك بهرپرسێ دویێ ل رۆژنامێ ژ لایێ سهرنڤیسهری ڤه هاتمه ئاگههداركرن كو ئاگههداریا ههمى ئهندامێن ستافێ رۆژنامهیێ بكهم، بڕیارا راوهستاندنا وێ ژ بهر قهیرانا دارایى ههر ژ دیرۆكا 15/10/2015 هاتیه دان و بریاره ئێدى حهفتیانه و ب ستافهكى نوو دهركهڤیت. پرسیار ئهوه ئهرێ راسته ئهگهرێ سهرهكى یێ گرتنا رۆژناما (وار) قهیرانا دارایى بوویه؟ راسته قهیرانا دارایى كارتێكرنا خوه ل سهر پرانیا دامودهزگایێن ههرێمێ كریه. لێ ئهز باوهر دكهم، ههكه هینگێ پیچهكێ بهرگرى ژ لایێ پرانیا ئهندامێن دهستهیا بلندا (پالۆ) ڤه هاتبا كرن، بریارا گرتنا رۆژناما (وار) ژ لایێ بهرپرسێ دهزگای ڤه وهسا زوو نهدهاته پهسهندكرن. ژ بهر كو گهلهك ئالترناتیڤ ههبوونه كو رۆژنامه نههێته گرتن. پشتى هینگێ مه بۆ هندهكا ژ وان ئهو پیشنیاز گۆتن. لێ ژ بهر لهزوبهزیا د بریارێ دا هاتیه كرن و تێك نهچوونا بهرژهوهندیێن پرانیا ئهندامێن دهستهیا بلند، رۆژنامه ب ساناهى هاته گرتن.
ئهندامهكێ دهستهیێ نوكه ئهو ژى نهمایه ل وێرێ و دهست ژ كار كێشایه، گۆته من: ((د دووماهى كۆمبوون دا، دهمێ دۆرا رۆژناما وار هاتى، سهیداى پرسیار ب من كر كو ئهم چ ل رۆژنامێ بكهین، بمینت یان نهمینت؟! من گۆتێ سهیدا، ههما بلا حهفتیێ جارهكێ دهركهڤیت. وى ژى ئێكسهر پهسهند كر))! ئاها هوسا بهرگرى ژ رۆژناما ((وار)) خودانا خوه و 6 سالێن خهباتێ بێى راوهستیان هاته كرن! مرۆڤ بۆ دیرۆكێ بیژیت، تنێ كاك (عادل حهسهنى) وهك ئهندامهكى دهستهیا بلندا (پالۆ) گهلهك بهرگرى ژ رۆژنامێ دكر، بهرى هینگێ و پشتى هینگێ كو ب چو رهنگان نههێته گرتن، لێ مخابن وێ رۆژا بڕیارا گرتنا رۆژنامێ دهركهفتى، كاك عادلى تازیهك ههبوو و ل وێ كۆمبوونێ ئاماده نهبوو، ژ بهر هندێ ساناهى بریار بێ ركابهرى دهرباز بوو و هاته پهسهند كرن.
ئهڤجا بلا ئهم گازندهیان ژ دهڤهرا سۆران نهكهین كو (محاربا) بههدینان دكهن. ههكه ئهم ب خوه بۆ مریێ خوه نهكهینه گرى، باوهر ناكهم كهس بۆ بكهته گرى. د ههمى ههلوهستان دا، خهلكێ بههدینان پرانیا وان دهۆسانێنه، تنێ بهرژهوهندیێن وانێن كهسوكى بهێنه پاراستن، بلا بهرژهوهندیێن گشتى چ لێ بهێن بلا وه لێ بهێن نهئاڕیشهیه. باوهر بكهن ههكه ل رۆژا 15/10/2015 ناڤێن هندهك ئهندامێن دهستهیا بلندا (پالۆ) دگهل لیستا ناڤێن ستافێ رۆژنامێ دهركهتبان، وهك مه (فهسل) ببن و وهسا ساناهى بچنه مالێن خوه، ئهو دا ب دژوارى بهرگریێ كهن كو رۆژنامه ههر بمینت و ب چو رهنگان نههێته گرتن. جارهكا دى دێ بێژم و بێژمه ڤه، جهنابێ بهرپرسێ دهزگایێ (پالۆ) و جهێن د سهر داتر رۆژناما (وار) نهگرتیه؛ ههكه وانا گرتبا دا رۆژنامهیا (ههولێر) ژى گرن، ژ بهر كو ههمان ژێدهر پالپاشتیا وێ یێ دارایى و مینهڤى دكهت و رۆژنامهیا ناڤبرى بێ بهرامبهر ژى دهێته بهلاڤكرن، ههتا نوكه ژى ب هزاران دانه ژێ دهردكهڤن و ب كامل ستافێ خوهڤه بهردهوامه. ئهوا مایى من نهگۆتى، پشتى هینگێ بڕیار بوو كو رۆژناما ((وار)) ببیته حهفتیانه و ب ستافهكێ نوو رۆژهكێ دهركهڤیت.. پاشى باس هاته كرن كو دێ جارهكا دى وهك بهرێ رۆژانه دهركهڤیت. لێ مخابن، رۆژهاتن و ههیڤ بۆرین، ئهڤه كهته سالا دویێ ئهڤ رۆژناما ب كرمانجى ل دهڤهرا بههدینان دهردكهڤیت گهلهك ساناهى و بێ دهنگى هاتیه گرتن، ئێدى باسێ وێ ل بهر كۆچكێن بالاڤیان ژى نهما و تنێ ناڤ ما د دیرۆكێ دا.
