ل بەردەرگەهێ دۆزەخا چوونێ
دلدار محەمەد
1
وەك هاتنا رۆندكێن بەری دو خۆلەكان..
تو ژ نیشكەكێ ڤە چوویی.
2
هەمی سەرژمێریێن بۆ گۆڕستانان دهێن كرن د شاشن؛ ئەڤە ژ تو چوویی وەرە ئەز هێشتا هەناسەیێ ددەم.
3
من ل زاوا دیت..
تە پشتی خۆ ئەڤ باژێرە یێ كریە گوندەكێ كاڤل.
4
پشتی تو چوویی
چاڤ ب لاشەیێ من ڤە
زێدەهیەكێن بێ رامانن.
5
وەكی وی دیوارێ نە لەبخكری یێ ناڤێ تە هەلگرتی
تە هەمی كرێتیێن ژیانا من جوان كربوون.
6
هەچكو عەسمان ژی یێ ب چوونا تە ئێشایی
ئەڤرۆ، بێدەنگییا هەیڤێ گۆتە من: خەمگین نەبە؛
ئەز ژی وەكی تە بتنێ مە.