ل بەر چاڤێن وێ
عەبدلقادر ئوڕمانی
ل بـەڕ چاڤێـن من ڕۆژ بۆ ڕۆژێ شـــرین دبــــی
تو دزانی ژی شرینیا تە یا ژ هنگڤینی خــۆشترە
حەژ تە دكـــەم تو خــەم بی ژان بی تو چـبی
عشقا من وەك شێخ سـەنعانێ شێت زۆڕا شڕە
::: ::: :::
ل ناڤ لاپەڕێن من دا ناڤێ تە هـەر یـەكـەمینە
دێرێن شیعرێن من بێ ناڤێ تە دخـاڤ و بێ تامن
قـــەد نەبێژە من شیعرێ ب عشقێ ب ڤـەهینە
گەل دگــەل نەبیت وەلات باس و پەســـن نابن
::: ::: :::
ئەوە بێلایا منا كەڤنە ئــەوە بۆ بوویـمە دەڕوێش
ئەوە ئاشۆپ و نوستالجییا بەردەوام ل بـەندێ
ئەوە ئەلبۆما تەڤ ژینا من ئـەوە هێش وهـێش
ئەوە وەلات وەلات لەوڕا بۆ دكەم ڤێ چــەندێ.
