ل بەغدا رەوشا تیما زاخۆ باش نینە
زاخۆ،عەلی حاجی :
د داخویانیەکێ دا رێڤەبەرێ تیما تەپاپیێ یا یانا زاخۆ بۆ رۆژناما ئەڤرۆ دیارکر ئێدی وان پارە ل بەردەست نەماینە بشێن خوارنەکێ ل باژێرێ بەغدا دابینبکەن و ھەکە رەوش بڤی رەنگی مینت مەترسیا داکەفتنێ لسەر تیمێ د خولا نایابا عێراقێ دا ھەیە .
زێدەتر تەھا زاخویی گۆت: بایکۆتا یاریزانێن تیما مە ئەگەرێ نەوەرگرتنا مووچێن خوەیە ژبەرکو مە نەشیایە پارەیێ وان دابینکەین وەکو مافەکێ وان، رەوشا مە ل بەغدا باش نینە مە مەزاختیێ ھوتێلێ بۆ شاندێ خوە نینە و ھەتا خوارنا مە ژی ل خارنگەھێن وی باژێری ب قەڕن و رەوشا مە گەلەک خرابە و ھەتا نوکە چو کەسەکی خوە ل مە نەکریە خودان و ھەکە بڤی رەنگی بیت دێ بەرە ب ئاقارەکێ نەدیار ڤە چین .
ل دوماھیێ گۆت ژی: ھەکە چو چارەسەری بۆ تیمێ پەیدانەکرن یاریا ھەمبەری یانا کەرخ ئەنجام نادەن و ئەڤەژی دێ بیتە مەترسی ل سەر داکەفتنا تیمێ بۆ رێزێن پلە ئێکا عێراقێ و لەورا ھیڤییا مە ئەوە چارەسەریەکا بلەز بھێتەکرن ژبۆ دوبارە نەکەفینە دڤێ رەوشێ دا.
