ل توركیا زاخۆ دێ مفایی ژ ڕاوه‌ستیانا خولێ وه‌رگریت
عەلی حاجی:
ب مه‌ره‌ما مفا وەرگرتن ژ ڕاوەستیانا خولا ستێرێن ئیراقێ یا فوتبۆلێ، تیما زاخۆ کەمپەکێ ڕاهێنانێ ل باژێرێ ئانتالیا یێ توركیا دانا ئه‌وا دێ بۆ ماوه‌یێ حەفتیەکێ ڤه‌كێشیت.
لدور کەمپێ ڕاهێنانێ عەمار فەرهاد سەرۆکێ یانەیا زاخۆ یا وەرزشی بۆ رۆژنامەیا ئەڤرۆ دیار کر بۆ دەما هەیڤەکێ دێ خولا ستێرێن ئیراقێ ڕاوەستیت و ئەو ماوەیە ژی گەلەکە بۆ ڕاوەستیانا خولێ ژبەر هندێ مە هزر د دانانا ڤی کەمپێ ڕاهێنانێ دا کر، ئەڤ کەمپە دێ ژ گەلەک ڕوویان ڤە بۆ تیما مە یا باش و گرنگ بیت ژبەرکو ژ هەمی روویەکێ ڤە ڕاهێنەر دێ شێت پتر هەماهەنگیێ دناڤبەرا یاریزانان دا پەیدا کەت پشتی هندەک گوهۆڕین کەڤتینە دناڤ تیمێ دا و هندەک یاریزانێن نوو ژی پەیوەندی ب تیمێ کرین،ژ روویێ شیانێن جەستەیی ڤە ژی دێ باشتر بیت ژبەرکو کارەکێ باش دێ ل سەر هندێ هێتە کرن.
ژلایێ خوە ڤە ژی تەها عەبدولحەکیم ژی گۆت: د ڤی کەمپێ ڕاهێنانێ دا دێ بزاڤێ كه‌ین هەتا دو یاریێن هەڤالینی ئەنجام بدەین و کەمپێ مە دێ بۆ دەما حەفتیەکێ بیت و هەمی پێدڤیێن تیمێ ژی هاتینە دابینکرن و پشت راستین ژی دێ مفایەکێ باش ژ ڤێ کەمپێ هێتە دیتن ژبەرکو ئەم دێ شێن ڤێ قوناغێ ب قوناغەکا گربگ یا ئامادەکاریان دەرباز کەین.
