ل جه‌زائیرێ شه‌هید حزنی دێ ئالایێ یانه‌یا زاخۆ بلند كه‌ت
زاخۆ،عەلی حاجی:
د داخویانیەکێ دا کورێ باژێرێ زاخۆ و یاریزانێ هەلبژارتیێ ئیراقێ یا یاریا خوەلێکدانا ئازاد بۆ رۆژناما ئەڤرۆ دیار کر ئەو دێ ب ئالایێ یانەیا زاخۆ چیتە جەزائیرێ و ئارمانجا وی ژی پلێن دەستپێکێ یە.
زێدەتر شەهید حسنی گۆت: بۆ ماوه‌یێ دو مه‌هانه ب رژدی کار دکەم دا کو کێشەیا خوە بینمە خارێ بۆ ٦١ کێلوگرامی ژبەر کو دێ ب وێ کێشەیێ دگەل هەلبژارتیێ ئیراقێ پشکداریێ د قارەمانیا وەلاتێن عەرەبی دا کەم ئه‌وا دێ وەلاتێ جەزایرێ ل ١٠/٧/٢٠٢٣ـێ مێڤانداریا وێ كه‌ن و هەڤرکیێن وێ ب پشکداریا ١٠٢ یاریزانان ژ ١١ هەلبژارتیان بیت، قارەمانی گەلەکا ب هێزە و یاریزانێن وەلاتێ فەلەستین و جەزائیر خودان شیانن و هەڤرکێن منن د وێ قارەمانیێ دا لێ هەتا دووماهی چرکە ژی دێ شەری کەم دا کو بشێم رێزا ئێکێ ب دەستخوەڤە بینم ژبەرکو ئارمانجا من ژی ئەوە ژ رێزین ئێکێ هەتا سیێ مسوگەر بکەم ب دەستکەڤتی ڤەگەرمە زاخۆ، هەر ژ چوونا مە بۆ وەلاتێ جەزائیرێ دێ ئالایێ یانا زاخۆ دگەل مە بیت، ل فروکخانەیا وی وه‌لاتی ئالایی دانمە سەر ملێن خوە ژبەرکو زاخۆ دناڤ خوینا مندایە.
ناڤبری گۆت ژی: هەر ژ کەمپا وەلاتێ ئیرانێ و راهێنانێن بەردەوام ل بەغدا من بەرهەڤیێن باش کرینە و ب تەمامی ئەز ئامادەمە بۆ وێ قارەمانیێ و من دڤێت ژی ب سەربلندی ڤە ڤەگەرمە کوردستانێ.
