ل حەفتیا بهێت پارتێن ئیسلامی دێ کۆمبن
ئەڤرۆ نیۆز،زنار تۆڤی:
پەیڤدارێ بزاڤا ئیسلامی راگەهاند،کو حەفتیا بهێت پارتێن ئیسلامی یێن هەرێما کوردستانێ دێ کۆمبن و گوتیە:کۆمبوون دێ ل لەسەر ئاستێ دەستەیا بلند بیت.
عەبدولا وەرتی،پەیڤدارێ بزاڤا ئیسلامی بۆ رووداو راگەهاندیە،کو ل حەفتیا بهێت پارتێن ئیسلامی، ئێکگرتوو، کۆمەڵ و بزاڤا ئیسلامی دێ ل بارەگایێ مەکتەبا سیاسی یا کۆمەلا ئیسلامی دێ ل سەر ئاستێ دەستەیا بلند کۆمبن و گوتژی:پرۆژێ لایەنێن ئیسلامی بۆ ئارمانجەکا دیارکری نینە بۆ مەبەستەکێ بتنێ،بەڵکو پرۆژەیەکێ درێژخایەن و هەموولایەنە.
وی ئەندامێ مەکتەبا سیاسی یا بزاڤا ئیسلامی ئاماژە ب هندێ ژی دایە،د ڤێ کۆمبوونێدا تشتێن جددیتر و روونتر دێ هێنە گۆتن و رەنگە ئێکلاکەرە بیت.
پارتێن ئیسلامی ل باشۆری کوردستانێ ب پرۆژەیەکێ ئێکگرتی یێ ئیسلامی د بەردەوامن بۆ پێکئینانا بەرەیەکێ هەڤبەشێ ئیسلامی،دیسا بۆ پێکئینانا ڤی بەرەیێ هەڤبەش،هەتاکو نوکە پێنج کۆمبوون و دیدارێن بەرفرەه هاتینە ئەنجامدان.
هەروەسا ل ناڤەراستا ڤێ هەیڤێ ژی د کۆمبوونەکێدا ل گەل رێکخستیێن حزیا خوە، سەلاحەدین بەهائەدین ئەمیندارێ گشتی یێ ئێکگرتوویا ئیسلامی بەحسێ هندێ کربوو،کو بۆ هەڵبژارتنان دێ لیستا چاکسازیا نیشتمانی دروستکەن، کو ژ چەندین کەسایەتیێن ئیسلامی یێن بسپۆرو شارەزا ل سەرجەم واران دا پێکهاتییە،هەروەسا گۆتیە،ئێکگرتوو دێ بیتە هێڤێنێ وێ لیستێ.
