ل حەفتیا بھێت پلێن گەرمێ ب رەنگەکێ بەرچاڤ دێ نزم بن
ئەڤرۆ:
رێڤەبەریا گشتیا کەشناسی و بیڤەلەرزێ ل ھەرێما کوردستانآ دیار کر کو پێلا گەرمێ ھەتا دەستپیێکا حەفتیا بھێت دێ یا بەردەوام بیت و دو ھەتا سێ پلێن دی دێ بلند بن، ل دووڤ پێشبینیان ژی بلندترین پلا گەرمێ سوبە رۆژا پێجشەمبی 20ى ته‌باخا 2015ێ دێ ھێتە تۆمارکرن.
ل دووڤ راگەھاندنەکا رێڤەبەریا گشتیا کەشناسی و بیڤەلەرزێ ل ھەرێما کوردستانێ ئەڤرۆ 19ى ته‌باخێ و ژ ئەنجامێ زێدەبوونا کاریگەریا پالەپەستویا نزم یا وەرزێ گەرمێ، پلێن گەرمێ دێ بەرەڤ بلندبوونێ چن و دو ھەتا سێ پلان دێ بلند بن.
پشکا پێشبینیان ل رێڤەبەریا گشتیا کەشناسی و بیڤەلەرزێ پێشبینی کریە کو بلندترین پلا گەرمێ سوبەھی رۆژا پێنجشەمبی 20ى ته‌باخا 2015ێ بھێتە تۆمارکرن، رۆژا ل دووڤ دا ژی کو ئەینی یە دێ پیچەک پلێن گەرمێ نزم بن.
دەربارەی ب دووماھی ھاتنا وێ پێلا گەرمێ ژی رێڤەبەریا کەشناسیێ پێشبینی دکەت ھەتا رۆژا شەمبی 22ى ته‌باخێ یا بەردەوام بیت و رۆژا ل دۆووڤ دا کو دبیتە رۆژا ئێکشەمبی 23ى ته‌باخێ پلێن گەرمێ ب رەنگەکێ بەرچاڤ نزم ببن.