ل خازر بنكه و باره‌گایێن داعش هاتنه توپبارانكرن
ئه‌ڤرۆ نیۆز، قائید میرۆ
ل میحوه‌رێ خازر فڕۆكه‌یێن هه‌ڤپه‌یمانان بنكه و باره‌گایێن تیرۆرستێن داعش بوردۆمانكرن و زیانێن مه‌زن گه‌هاندن تیرۆرستان.
عه‌مید سه‌ید هه‌ژار جێگرێ فه‌رماندێ زێره‌ڤانی ب ئه‌ڤرۆ نیۆز راگه‌هاند” ئه‌ڤرۆ فڕۆكه‌یێن هه‌په‌یمانان ل گوندێ موفتیه یێ میحوه‌رێ خازر ب هویری بنگه‌هێن تیرۆرستێن داعش بوردۆمانكرن و ب ئه‌گه‌رێ ئه‌ڤێ بوردۆمانێ دۆشكه‌كا داعش هاته ژناڤبرن، كو به‌ری هنگی ته‌قه ل هێزێن پێشمه‌رگه‌ی دكر”.
سه‌یدا هه‌ژاری گۆتژی” هێشتا هژمارا كوشتیێن داعش یێن ئه‌ڤرۆ دیارنینه، به‌لێ بێگومان كوشتی و بریندار هه‌بووینه و نوكه لڤینێن چه‌كدارێن داعش ل میحوه‌رێ خازر كێمبووینه”.
