ل دادگەهێ پرسیار ژمن كر تو كریستیانی؟ من گۆت: نەخێر ئەز كوردم
دیدار: رەمەزان دەشتمری/ زاخۆ
1-4
دەمێ پارتی دیموكراتی كوردستان ل سالا 1946ی هاتی دامەزراندن، ل وی دەمی هەمی هیڤی و ئومێدێن خەلكێ كوردستانێ ب گشتی هەمی ئول و نەتەوە و خەلكێ ئیراقێ ببن ئەندام و بچنە دناڤ رێزێن ئەڤێ پارتا پێشەنگ دا، و دگەل سیستەم و پەیرەو و پروگرامێ پارتی دا خزمەتا گەلێ ئیراقێ بكەن، ژ بەر كو خەلكێ كوردستانێ ل هەر چوار پارچێن دیتر یێن كوردستانێ پەیوەندی ب پارتی دیموكراتی كوردستان ڤە دكرن، ب دل و جان كار و چالاكی ئەنجام ددان.
هەلبەت ل سالا 1948ی هێلێن ڕێكخستنا پارتی بۆ دەڤەرێ هاتن نەخاسمە خەلكێ گوندان زویتر بۆ ناڤ رێزێن پارتی ڤەچوون. لەوما هەر ل دەملدەست پارتی دەست ب دروستكرنا شانەیێن بنەكی و شانەیێن سەرەكی و رێكخراوان كرن. بۆ ب رێڤەچوونا ئەركێ پارتایەتیێ و بۆ هەر دەڤەرەكێ كادرەك پارتی هاتن دەستنیشانكرن و هەمی خەلكێ كوردستانێ و ئول و نەتەوە قەستا ناڤ رێزێن پارتی كرن.
كادر و زیندانیێن سیاسی ئارام شاهین داود بۆ ڕۆژنامەیا ئەڤرو دئاخڤیت و دبێژیت: ئەز ل سالا 1954ی ل گوندێ شكەڤدەلێ یا سەر ب ناحیا باتێلێ ژ دایكبوویمە، گوندێ شكەڤدەلێ گوندەكی كوندێن كوردێن ئەرمەنی یە و ژین ژیارا خەلكێ گوندی ل سەر چاندن و جوتكاری و تەرش و كەوالی بوو. هەر وەسا ل سالێن پێنجیان ڕێكخستنا نهێنی یا پارتی دیموكراتی كوردستان هات بۆ دەڤەرێ و زوربەیا خەلكێ گوندێ شكەڤدەلێ بوونە ئەندامێن پارتی ل ئەوی دەمی هومێ گوری بەرسێ گوندی بوو و بابێ من شاهین داود ئەندام بوو و هەیڤانە كادرێن پارتی دهاتن بۆ ناڤ گوندی و كۆمبوون دگەل ئەندامێن پارتی دهات كرن، و خەلكێ گوندی ئابونێن خۆە یێن ئەندامەتیا پارتی كوم دكرن، و ڕادەستی كادرێ پارتی دكرن، ل سالا 1961ی دەمێ شۆڕشا ئیلۆنا مەزن ل دژی حكومەتا ئیراقێ یا ئەوی سەردەمی دەستپێكری، قول قول پێشمەرگە بۆ دەڤەرێ دهاتن و ڕێز ب ڕێز و جوت جوت قەستا ناڤ گوندی دكرن، و ل ئەوی دەمی پێشمەرگە ب شال و شاپ و جەمەدانی و ساق و گورە و ب ڕەخت و تڤەنگ بوون، ڤێجا دەمی بۆ ناڤ گوندی دهاتن و خەلكێ گوندی ژن و زاڕوك و ب گەرم و گوڕەكا كوردایەتی و نیشتمان پەروەری پێشەوازی لێ دكرن. ڤێجا دەمێ دهات مالا مە و ئەم دچوون بەر پەنجەركا و مە بەرێ خۆە ددا پێشمەرگەیی و من خوەزی ڕادهێلان كو ئەز ژی ببم پێشمەرگە و خوە ب ئەڤێ كوكێ خوە ب خەملینم. ئەو بوو ل سالا 1961ی ئەز ل پولا ئێكێ ل قوتابخانێ هاتم وەرگرتن و من دەست ب خواندنێ كر هەتتا من قوناغا سەرەتای ب دوماهیك ئینا و بۆ قوناغا ناڤنجی ئەز بۆ تەمامكرنا خواندنێ هاتم بۆ باژێڕێ زاخۆ ل ناڤنجیا بەدرخان من دەست ب خواندنێ كر. ل ئەوی دەمێ قوتابیێن ناڤینجا بەدرخان گەلەك زیرەك و هەستا نەتەوەیی ل دەف ئەوان هەبوو. هەردیسان ڕولێ ئێكەتیا قوتابیێن كوردستانی د ناڤ قوتابخانەیان دا هەبی، دەمی لیژنا قوتابخانێ هاتین ئەنجامدان و هەلبژارتن د ناڤ قوتابیان دا هاتن كرن. ل ئەوی دەمێ قوتتابی بەهنام گورگیس وەك بەرپرسێ ئێكێ هات هەلبژارتن و ئەز ژی وەك كەسێ دوو یێ لیژنا قوتابخانێ هاتم هەلبژارتن. پشتی من قوناغا ناڤنجی ب دوماهیك ئینایی ئەز ل ئامادەیا چاندنێ ل زاخۆ هاتم وەرگرتن. هەر دیسان ل ناڤ قوتابیێن ئامادەیا چاندنێ دا هەلبژارتن هاتن ئەنجامدان و قوتابی محەمەد سەعید وەك بەرپرسێ لیژنێ و ئەزژی وەك وەك ئەندام لیژنا ئانكو یێ دووەم هاتم هەلبژارتن. مە بەردەوامی دا خواندنێ هەتا سالا 1974ی دەمێ شۆرشا ئیلۆنێ دەستپێكری مالا مە بۆ ناڤ شۆرشێ چوو و مە مالا خوە بۆ گوندێ ستەڤلانێ چووین و ل وێرێ ئاكنجی بووین. من بڕیاردا ئەز ببمە پێشمرگە و لدوڤ بڕیارا لیژنا ناوچا زاخۆ ل ئەوی دەمی خودێ ژێ ڕازی مەلا تەها بوسەلی بەرپرسێ لیژنا زاخۆ یا پارتی دیموكراتی كوردستان بوو. دەمێ ئەز بۆ بارەگایێ لیژنێ چویم و من گوتێ ئەز دێ بمە پێشمەرگە و دەست ب خەباتا چەكداری كەم. خودێ ژێ رازی مەلا تەها بوسەلی گوتەمن كوڕێ من: هەرە ب خوینە ئەم هەر دێ پێدڤی ب شیان و زانینا تە بین. بەلێ من گوت: مامۆستا ئەز وەك كوردەك ئەرمەنی من دڤێت وەك پێشمەرگە خزمەتێ بكەم. خودێ ژێ ڕازی مە تەها بوسەلی دەست هاڤێتێ كوژمێ بیست دیناران دانە من و ئەز بۆ دەڤەرا حاجی عومران چووم. ل دەڤەرا گوندێ زینۆ ئەم بشكداری خولەكا توپ هاڤێژیێ بوین و پشتی خولا مە ب دوماهیك هاتی ئەم بۆ چیایێ سەریزی چوین. ل ئەوی دەمی حكومەتا ئیراقێ هەمی هێزێن خۆە یێن چەكداری بۆ ئەوێ دەڤەرێ ئینابین و هێرش ل دویف هێرشێ بۆ سەر ئەوێ دەڤەرێ دكرن. بەلێ سوپاس بۆ خودایێ مەزن ب زەند و باسكێن پێشمەرگەیێن قەهرەمان هەمی ئەو هێرشێن ئەسكەرێ حكومەتا ئیراقێ هاتن تێكشكاندن و ب سەرشوری پاشدا بۆ جهێن خوە ب سەرشوڕی دزڤڕین جهێن خوەڤە. ل ئەوی دەمی ل بەروكێن شەڕی ل سەرتیزی ئەم هەشت هەڤال خەلكێ زاخۆ دگەل ئێك بین و و ئەو كەسێن ناڤێن وان ل بیرا من ماین ئەوژی كەمال عەلی ئیسماعیل، فاروق محەمەد عەبو، و ئەز بەرپرسێ ئەڤێ گروپێ بیم و هەر وەسا هەڤال ئەحمەد زوماری بەرپرسێ گروپەكێ بوو و مە ئێك و دوو دگوهارت و مە ل سەر كەتبێن توپخانێ مە بەرەڤانی ژ ئەوێ دەڤەرێ دكر. ل ئەوی دەمێ دكتور كەمال پێداوی ئەو بەرپرسێ مە یێ شەرەكی یێ توپخانێ بوو. حكومەتا ئیراقێ ئەو بۆ جارا سیێ بی هێرشێن خۆە یێن ئەسكەرێ بۆ دەڤەرا حەسەن بەكێ و پلنگانێ و گەوریا عمەرئاغا و سەرتیزی ئینان و هەمی دەمان شكەستن دئینان. هینگێ هەژمارا هەشت پێشمەرگەیان وەك هێزا دەست وەشین هەبی مە ئەڤانا چ بارەگایێن سەرەكی و بنەجهـ نەبین لێ ب راوەستن یان بێهنێ لێ ڤەكین، هەر دەما هێرشا ئەسكەرێ حكومەتا ئیراقێ بۆ سەر كیژ دەڤەرێ هاتبا ئەم ئەو هەشت سەد پێشمەرگەیێن هێزا دەست وەشین دا بۆ ئەوی جهی جهین و بەرەڤانیێ لێ كەین و هاریكاریا خودایێ مەزن و ب پشتەڤانیا پێشمەرگەیی سەركەفتن دهاتن تۆماركرن.
