ل داستانا لۆمانا حوكمەتا ئیراقێ دربەكێ مەزن خوار كـو چو جـاران نەدیت بـوو
ديدار، سالار محةمةد دۆسكى:
2 – 2
پێشمەرگەیێ شۆڕەشا ئیلونێ ئسماعیل محەمەد اسماعیل بیگداودا بەرواری، دیاركر كو ل سالا 1962 ل گەل (هاشم مێروزی) نەما و پشتی (عیسێ سوار) داخوازا وی كری، كو ب بیتە نڤیسەر ل گەل وی.
هێشتا گۆت: ل سالا 1962 هەیڤا 10 ئەم پتر ژ 300 پێشمەرگا بووین پشكداری شەرێ گازخانا (عین زالا) بووین، ئێڤاری ئەم چووینە گوندێ (دولا) ئەم ب پیا چووین و مە خوارن نەخوار و مە دارێ و بەردوام بووین، هەتا پێنجی سپێدێ نوزا ئەم گەهشتینە (كێلكێ) یان (ئاڤ تەعلێ) فەرمان هات كو جلكێن خوە بێخین و خوە ڤەشێرن و ئەم ماینە ناڤ مالا، و ڤراڤینا مە دامە هەتا دورێن دەمژمێر چارێ پێنجی ئێڤاری و مە دارێ و هەتا ئەم گەهشتینە ریبارێ (دیجلە) و رێڤەبەر ل گەل مە بوون، و مە دەربازبووین و ئەم ب ڕێ كەفتین هەتا دەمژمێر (12) ئەم گەهشتینە (عێن زالا)، و دووڤدا (عیسێ سوار) جەبهە بەلاڤەكرن و ئەڤە هەمی دەستێ (عیسێ) و سەر قولان دا بووو پشتی هێرشێ جهێن دەست نیشانكری هاتنە ستاندن، و بتنێ مە شەهیدەك دا و پشتی ڤەگەریاین ئەم هاتین ترۆمبێلەكا جێب یا (مفوز یونس) كەفتە بەر سینگێ پێشمەرگەی و ترۆمبێل هاتە سوتن، و ئەم هاتین و چەندین دیل و كرێكارێن كومپانیا گازێ مە ل گەل خوە ئینان، و پشتی ئەم ژ ئاڤێ دەربازبووین مە ژ نیشكەكێ ڤە دیت فرۆكە هاتە هنداڤ مە و مە خوە ڤەشارت هەتا فرۆكە چووی، و مە خوە گەهاندە (حەزازا) ئەڤە وە شكەفتانە ل (ئاڤ تەعلێ) ئەم چووین هەتا دەمژمێر پێنجێ و ئەم هاتینە گوندی، و مە شیف خوار و دیسا مە دارێ هەتا (باستكێ) من گۆتە (هاشم) نەشێم بێم و خەوا من یا دهێت و نڤستم و رابووم، و من خوە گەهاندە (بێدەرا) و گەهشتمێ و ب سلامەتی گەهشتین و گەهشتینە سەر جادێ، خودێ ژێ رازی (عیسێ سوار) گۆت كرێكارا ئازاد بكەن، و هەر هەمی ئازادكرن و بتنێ ( فەتەح مچولی) كورد بوو گۆت ئەز ناچم و گەهشتە شۆڕەشێ و قارەمانەكێ زیرەك بوو، و پشتی هاتینە (گەلی) ئەفسەر هاتن رەوانەكرن بۆ دەف (ئەسعەد خوشەڤی) ئەم ب سلامەتی هاتین.
پێشمەرگەیێ شۆڕەشا ئیلۆنێ ئسماعیل محەمەد ئسماعیل بیگداودا بەرواری هێشتا گۆت: خودێ ژێ رازی (عیسێ سوار) ئەم دو پێشمەرگە هنارتین بۆ خولا ئەندازیاریێ یا راكرنا ئەلغاما ئەم گەهشتینە دەڤەرا (نێروە و رێكان) هەڤالێ من رادیوو ل گەل هەبوو، و گۆت نوكە شەرێ (زووك و هندرین)ە و ئەم چەندەكێ ماین و دووڤدا زڤرین و گۆتن هەر كەسەكێ خیرەت هەبیت بلا تڤەنگێ هەلگریت و بچیتە شەری، وی دەمی (عسمەت دینو) ژی ل گەل مە بوو و ئەم پێكڤە ووینە (هندرین)ی و نێزیكی (15) رۆژا ئەم ماین و سوپاس بۆ خودێ ب سلامەتی ڤەگەریاین.
هەمان پێشمەرگە گۆت: ل سالا 1969 بوو مە مامۆستایێ قوتابخانا (دێمكا) ناڤ گولیێ و مامۆستایێ شۆڕەشێ بووم، و پشتی بەیانا 11ی ئادارێ ئەم هاتینە دامەزراندن ل قوتابخانا (باڤیا) هەتا رێكەفتی 10/11/1974 ئەم چووینە ئیرانێ، بەری بچم من دەوارەك پەیدا كر بخوە چوومە گەنمی و گەریام ب دەست من نەكەفت، و چوومە دەف هەڤالەكی و ئەوی هندەك دامن وەك هاریكاری وی دەمی خەلكی گەنم نە دفرۆت ژ ترسا دا چونكە كاودانێن مە ل گەل حوكمەتا ئیراقێ نەخوش بوون، و دەسپێكا نسكۆیا سالا 1975 بوو، پشتی ڤەگەریایمە مال بابێ من گۆت من ناڤێ تە نڤێسی بۆ ئیانێ و ئەم (27) كەس ژ دەڤەرا زاخۆ 3/11/ 1974 ئەم چووینە ئیرانێ و ئەم ماین هەتا سالا 1991 ئانكو سەرهلدانا پیرۆز.
هەمان پێشمەرگەیێ شۆڕەشا ئیلۆنێ گۆت: ل سالا 1979 ئەندامێ لژنا مەحلی بووم ل ئوردیگایێ زێوە 9/6/ فرۆكە هاتن رەمی كر، و كورێ من بریندار بوو و هەتا نوكە یێ پەككەفتی یە، و دووڤدا هاتمە ڤەگوهاستن بۆ مەكتەبا سیاسی و بەرپرسێ عومبارێ بووم، پشتی سەرهلدانا 1991 هاتینە كوردستانا ئازاد بوومە ئەندامێ لژنا مەحلی ل زاخۆ، بوومە كادرێ ل لقێ هەشت یا پارتی دیموكراتی كوردستان.
هەمان پێشمەرگەیێ شۆڕەشا ئیلۆنا مەزن، گۆت: ل سالا 1963 شەڤەكێ بووینە مێهڤانێن خودێ ژێ رازی (عەبدولقەهار دینو) شیف دانا، و ئەم رابووین و چووینە گوندێ (ملا عەرەبێ) و پیچەك مە بهێنا خوە ڤەدا، و ئەم چووینە (دێرشكێ) مە تێشت خوار و ئەم چووین و ئەم چووینە بانكێ مە فراڤین خوار، و دەبازبووین چووینە (بازو بێلیزانا) ئەم ماین هەتا بوویە شەڤ و ئەم چووینە (شێلازا) د ناڤبەرا گوندێ (دەرگەلا میسا بەگ) و (شێلازا) كومەكا پێشمەرگەی و ێربوون، و گۆتن ئەم هاتینە بهێنا خوە ڤەدەین، و دووڤدا ئەم چووینە (كانی رەشێ) وێ دەڤەرێ (سەعید خەلیل) وێرێ بوو، ئەم (45) رۆژا ماینە وێرێ، رۆژەكێ سپێدە بوو و مە گوندێ (دەرگەلا میسا بەگێ) بەردا هاتینە (گامنێرك) ژ نیشكەكێ ڤە من هندەك چەتە دیتن، و من هەڤالێ خوە (حسێن) ل سەر هەبوونا وان ئاگەهدار كر، و مە بهێنا خوە ڤە دا وی دەمی نێزیكی سریەكا لەشكرێ ئیراقێ ل (دەرگەلا میسا بەگێ) بوو، و مە هاڤێتێ هەتا هنداڤ (بامەرنێ) چوون وی شەری دا دو پێشمەرگە ب دژواری بریندار بوون، (سەعدی و سلێمان) و (45) رۆژا شەری ڤە كێشا و ل دووماهیێ (55) تەرمێن دوژمنی مانە ل مەیدانا شەری و سوپاس بۆ خودێ مە شەهید نەدان.
ل دور شەهیدبوونا (محەمەدێ) كورێ عیسێ سوار ژی هەمان پێشمەرگە گۆت: تاهرێ دۆسكی ل گەل (15) پێشمەرگان خوە بەرهەڤكر بوون بهینە دەف (عیسێ سوار) و هەمی پێشمەرگەی چەكێ خوە دانا و بتنێ (تاهر) ما بوو، و چوونە سەر كانیا (نیسكا) (عیسێ )هنارتمە دەف و من گۆتێ كرێتە وەرن چەكێ خوە راكەن، و هەرن هوون دەستیرداینە و ئەوا گۆت ئەم چەكێ خوە نابەین و (عیسێ) نەچار بوو (10) پێشمەرگەیێن خوە ل گەل (تاهر) هنارتنە (كانی قەسركێ) و دەمێ روینشتین توپەك دهێت بناڤ ئەوان پێشمەرگان دكەڤیت، و ئەو دەڤەر شەر لێ دهاتەكرن، ژ ئەوێ كومێ چوار پێشمەرگە شەهید بوون، و شەش بریندار بوون و بتنێ(مەلا) یێ بوصلی بوو ب سلامەت بوو، (كورێ عیسێ، بسمام و زاڤایەكێ و مرۆڤەكێ) وی هەر چوار شەهید بوون و چەكەكێ گران وی شەری كەفتە دەستێن مە دا.
هەمان پێشمەرگەیێ شۆڕەشا ئیلۆنێ گۆت: پتریا خوارنا پێشمەرگەی ل سەر مالان بوو و ل گوندان و دڤێت رۆلێ ئافرەتا كورد نەهێتە ژبیركرن، و رۆلەكێ هەر كاریگەر و جوان گێرا.
جهێ ئاماژەكرنێ یە كو پێشمەرگەیێ شۆرەشا ئیلۆنا مەزن، ئسماعیل محەمەد ئسماعیل بیگداودا بەرواری ژووری ل سالا 1943ێ یە ل گوندێ بیگداودا ل دەڤەرا بەرواری ژدایك بوویە، ل سالا 1954 ژ گوندی هاتینە باژێرێ زاخۆ و تاخێ (ریتنان) ئاكجنیبوونە،
