ل دهوكێ چاپكرنا پرتووكان د زێده‌بوونێ دایه
ئه‌ڤرۆ، نيوز:
رێڤه‌به‌رێ پرتووكخانا به‌درخانیان ل پارێزگه‌ها دهۆكێ راگه‌هاند، هه‌ڤبه‌ركرن ل گه‌ل سالا بۆری، چاپكرنا پرتووكان ل پارێزگه‌ها دهۆكێ ب رێژه‌یا 12% زێده‌بوویه.
ئیسماعیل تاهر، رێڤه‌به‌رێ پرتووكخانا به‌درخانیان ل پارێزگه‌ها دهۆكێ بۆ ئه‌ڤرۆ دیار كر، ل دووڤ ئامارا پرتووكخانا به‌درخانیان ل دهۆكێ وه‌ك لایه‌نێ فه‌رمیێ دانا هژمارا سپاردنێ بۆ چاپكرنا پرتووكان، د سالا ٢٠١٩ دا هه‌ڤبه‌ركرن دگه‌ل سالا ٢٠١٨ ب رێژه‌كا به‌رچاڤ چاپكرنا پرتووكان ل دهۆكێ زێده‌بوویه.
ئاشكرا ژی كر كو د سالا ٢٠١٩ دا 414 هژمارێن سپاردنێ ب نڤیسه‌ران هاتینه‌دان بۆ چاپكرنا پرتووكان، ب هه‌ڤبه‌ركرن دگه‌ل سالا ٢٠١٨ ب رێژه‌یا نێزیكی ١٢% زێده‌بوویه.
