ل دهوکێ کۆمسیۆن ئاگەهداریەکێ بەلاڤ دکەت
ئەڤرۆ نیۆز،زنار تۆڤی:
رێڤەبەریا گشتی یا کۆمسیۆنا بلند یا سەربەخۆیا هەلبژارتن و راپرسیێ نڤێسینگەها دهۆک د نڤێسینەکێدا هەموو دەزگەهێن راگەهاندنێ و تیمێن چاڤدێریێ و رێکخراوێن کۆمەلگەهێ مەدەنی ئاگەهدار دکەت،کو نوونەرێن خۆ بۆ چاڤدێریا ریفراندۆمێ دەستنیشان بکەن.
د نڤێسینا کۆمسیۆنێدا هاتیە:پشتی ب دوماهی هاتنا بهێنڤەدانا جەژنا قوربانێ و ل رێکەفتی 2017/9/4 پێدڤیە هەموو دەزگەهێن راگەهاندنێ و رێکخراوێن کۆمەلگەهێ مەدەنی و تیمێن چاڤدێریا پرۆسا ریفراندۆمێ ،نوونەرێن خۆ بۆ چاڤدێریا ریفراندۆمێ تۆمار بکەن.
ئاماژە ب هندێ ژی دایە،کو هەر دەزگەهەک و لایەنەکێ ناڤێ نوونەرێن خۆ تۆمار نەکەت،دبیت ل رۆژا راپرسیێ رێگری لێ بهێتەکرن،لەورا دخوازین کو ل رێکەفتی 2017/9/4 دێ دەست ب ناڤ نڤێسینێ هێتەکرن،کو هەموو ناڤێن نوونەرێن خۆ تۆمار بکەن.