ل دهۆكێ ميكانزمێن نوو بۆ به‌لاڤكرنا كارتێن ده‌نگدانێ دهێنه دانان
دهۆك، له‌زگین جوقی:
رێڤه‌به‌رێ ئوفیسا دهۆك یا كۆمسیۆنا بلندا سه‌ربخوه یا هه‌لبژارتنان ل عیراقێ ئاشكرا كر كو بنگه‌هه‌كێ په‌یوه‌ندیان بۆ به‌لاڤكرنا كارتێن ده‌نگدانێ ل پارێزگه‌ها دهۆكێ هاتیه ڤه‌كرن و رۆژانه په‌یوه‌ندی ب هنده‌ك كه‌سان دهێته كرن كو بهێن كارتێن خوه یێن ده‌نگدانێ ژ كۆمسیۆنێ وه‌ربگرن.
خالد عه‌باس، رێڤه‌به‌رێ ئوفیسا دهۆك یا كۆمسیۆنا بلندا سه‌ربخوه یا هه‌لبژارتنان ل عیراقێ ئاشكرا كر، ئه‌و دگه‌ل هه‌موو لایه‌نێن سیاسی یێن پشكدار د هه‌لبژارتنێن بهێن یێن په‌رله‌مانێ عیراقێ دا و رێكخراو و ئێكه‌تیێن ئافره‌تان و دام و ده‌زگه‌هان دێ كۆم بن، داكو وه‌لاتیان هان بده‌ن بچن كارتێن خوه یێن ده‌نگدانێ وه‌ربگرن.
ناڤهاتی گۆت: “هێشتا 130 هزار كه‌سان كارتێن خوه یێن ده‌نگدانێ وه‌رنه‌گرتینه، ئه‌م هیڤیدارین وه‌لاتی قه‌ستا بنگه‌هێن ده‌نگدانێ بكه‌ن بۆ وه‌رگرتنا كارتێن خوه یێن ده‌نگدانێ، هه‌ر كه‌سه‌كێ خوه د سیسته‌مێ بایۆمه‌تری دا تۆماركربیت، دشێت كارتا خوه وه‌ربگریت”.
