ل دهۆكێ پێنج پڕۆژەیێن خزمەتگوزاری دهێنە بجهئینان
دهۆك، لەزگین جوقی:
هاریكارێ رێڤەبەرێ گشتیێ ریك و پران و ئاڤەدانكرن و ئاكنجیكرنێ ل پارێزگەها دهۆكێ دیار كر، ئەڤ سالە ل پارێزگەها دهۆكێ پینج پڕۆژەیێن گرنگ د وارێ ئاڤەدانكرنێ دا دهێنە بجهئینان ل گەل دروستكرنا هەژمارەكا جاددەیان.
رێدیر سلێمان خەمۆ، هاریكارێ رێڤەبەرێ گشتیێ ریك و پران و ئاڤەدانكرن و ئاكنجیكرنێ ل پارێزگەها دهۆكێ بۆ رۆژناما ئەڤرۆ ئاشكرا كر، پڕۆژەیێ دروستكرنا هۆلەكا رەوشەنبیری ل دەڤەرداریا بەردەڕشێ، پڕۆژەیێن دروستكرنا یاریگەها سێمێلی و یاریگەها شێلادزی ل گەل پڕۆژەیێ دروستكرنا ئاڤاهیەكی بۆ كۆلیژا پەروەردا بنیات ل ئامیدیێ و ئاڤاهیێ دادگەها ئامیدیێ دهێنە بجهئینان.
ناڤهاتی گۆت: «بڕیارە ئەڤ سالە هەژمارەكا پڕۆژەیێن گرنگ د وارێ جاددەیان ژی دا بهێنە بجهئینان و بەردەوام كار بۆ دروستكرنا جاددە و گەهاندنا پڕۆژەیێن خزمەتگوزاری بۆ وەلاتیان یێ دهێتە كرن».
