ل دهۆكێ ئێكەمین کەس ب تایا خوینبەربوونێ گیانێ خۆ ژ دەست دا
رێڤەبەریا گشتی یا ساخلەمیا پارێزگەها دهۆكێ راگەهاند، دوهی 10/5/2025 ژنەكا 45 سالی ژ ئەگەرێ تایا خوینبەربوونێ ل نەخۆشخانەیا ئازدی یا فێركرنێ گیانێ خۆ ژ دەست دا.
ساخلەمیا پارێزگەها دهۆكێ ئاشكرا كر، ل 7ی ڤێ مەهێ نەخۆش، كو خەلكا ناوچەداریا شێلادزێ یە، هاتبوو رەوانەكرن بۆ نەخوشخانا ئازادی و چارەسەری بۆ هاتبوو كرن، ژ بەر گۆمانا هەبوونا تایا خوینبەربوونێ پشكنینێن وێ بۆ بەغدا هاتبوونە هنارتن، پشتی ئەنجام دەركەفتین، دیاربوو تووشبوویا تایا خوینبەربوونێ یە، ب مخابنی ڤە دوهی سپێدێ گیانێ خۆ ژ دەست دا.
ساخلەمیا دهۆكێ خویا ژی كریە كو نەخۆشا گیانێ خۆ ژ دەست دای د ژییێ 45 سالیێ دابوو، دیسا ژبۆ پشتڕاست كرن، چو حالەتێن دی ل نەخۆشخانەیێن پارێزگەها دهۆكێ نینن، دیسا ل دووڤ راسپاردەیێن رێڤەبەرێ گشتی یێ ساخلەمیا پارێزگەها دهۆكێ هەمی پێرابوونێن خۆپاراستنێ ل دژی ڤایرۆسێ تایا خوینبەربوونێ هاتینە ئەنجامدان.
