ل دهۆكێ و هەولێرێ زێدەتری 70 پارزنگەهێن نەقانوونی هاتینە گرتن
هەولێر، قائید میرۆ:
بەرپرسەكێ دەستەیا ژینگەهێ ئاشكرا كر، ل هەردو پارێزگەهێن دهۆك و هەولێرێ زێدەتری 70 پارزنگەهێن نەقانوونی هاتینە گرتن و مەرجێ ڤەكرنا پارزنگەهێن گرتی ژی بجهئینانا رێنمایێن ژینگەهێ یە.
لوقمان شێروانی، رێڤەبەرێ دلنیایی جۆری ل دەستەیا پاراستنا ژینگەهێ بۆ رۆژناما ئەڤرۆ دیاركر، پشتی هەوا گرتنا پارزنگەهێن نەقانوونی هاتیە دەستپێكرن 60 پارزنگەهێن سۆتەمەنیێ ل هەولێرێ هاتینە گرتن، ل پارێزگەها دهۆكێ ژی 13 پارزنگەهێن سۆتەمەنیێ هەبوون، هەموو هاتینە گرتن.
لوقمان شێروانی گۆت: «مەرجێ كاركرنا وان پارزنگەهان ئەوە، پێدڤیە رێنمایێن ژینگەهێ بجهبینن، ئیدی نابیت پارزنگەهێن نەقانوونی ببنە مەترسی ل سەر ژینگەهێ، حوكمەت یا رژدە ل سەر ڤێ چەندێ، كو نابیت پارزنگەه ببنە مەترسی ل سەر ژیانا وەلاتیان».
