ل دهۆك ژن و زەلامەک ھاتنە دەستەسەرکرن
ئەڤرۆ نيوز:
بەرپرسێ پشکا پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ بۆ ئەڤرۆ دیار کر، ژن و زەلامەکی زێرێ سەختە ل دھۆکێ دفروت، پشتی سکالایەک ل سەر ھاتیە تۆمارکرن، پۆلێیسن دھۆکێ دەست ب دووڤچوونێ کرن و شیان ژن و مێرەکی دەستەسەر بکەن و دبێژیت: وان دانپێدان ب تاوانا خوە کریە.
رائیدێ مافپەروەر ھێمن سلیمان، بەرپرسێ پشکا پەیوەندی و راگەھاندنێ ل رێڤەبەریا پۆلیسێن دھۆکێ ئاشکرا کر، وێ ژن و زەلامی زێرێ سەختە ژ بەغدا دئینان و ل دھۆک و ئاکرێ دفروت و گۆت: “ھەردو تاوانبار ب رەگەز عەرەبن و خەلکێ پارێزگەھا بەغدانە، ھژمارەکا پارچێن زێرێ سەختە ل دھۆکێ فروتینە، لێ پشتی ژ لایێ پۆلیسان ڤە ھاتینە دەستەسەرکرن دانپێدان ب تاوانا خوە کریە و ل بڕیارا دادوەرێ ڤەکۆلینێ ھاتینە دەستەسەرکرن بۆ دادگەھێ ھاتنە رەوانەکرن”.
رائیدێ مافپەروەر خویا ژی کر، ھەموو تاوانبار ل دھۆکێ دھێنە دەستەسەرکرن و دگەھنە سزایی خوە، ئەڤ ژن و زەلامێ زێرێ سەختە دئینا د دەمەکێ کێمدا ژ لایێ بنگەھێ پۆلیسێن نەھێلانا گۆنەھباریان ڤە ھاتنە دەستەسەرکرن دێ گەھنە سزایێ خوە”.