ل ده‌مه‌كێ نێزيك دێ كليپا دلينار يه‌لدز به‌لاڤ بيت
ئه‌ڤرۆ، نيوار محه‌مه‌د سه‌ليم:
دلينار يه‌لدز يا 26 سالى راگه‌هاند كو ئه‌و نوكه مژوولى كليپه‌كا خوه يا نوويه، چيرۆكا وێ ل دۆر بابه‌ته‌كێ ئه‌ڤينيێ يه و ل ڤان نێزيكان دێ هێته به‌لاڤكرن.
سترانبێژا گه‌نج، دلينار يه‌لدز، د داخۆيانيه‌كێ دا بۆ رۆژناما ئه‌ڤرۆ راگه‌هاند كو ئه‌و نوكه مژوولى به‌رهه‌ڤكرنا كليپه‌كێ يه و ل ڤان رۆژێن بهێت ژى دێ كه‌ڤيته به‌ر ده‌ستێ حه‌زژێكه‌رێن وێ.
يه‌لدز دده‌ته زانين كو ستران سينگله و ب ره‌نگه‌كێ “سلۆ” هاتيه گۆتن، ل دۆر روودانێن وێ ژى گۆت: “سترانه‌كا عه‌شقێ يه ل سه‌ر كچه‌كێ هاتيه نڤيسين وه‌كو دلێ كچه‌كێ هاتيه نڤيسين، كا چاوان پشتى ب دووماهى هاتنا ئه‌شقا كچه‌كێ ئه‌و كوڕ ڤه‌د‌گه‌ريته ڤه و كچ چ تشتان بۆ خوه نه‌كه‌ته خه‌م و بێ پرسيار لێ ڤه‌گه‌ريته‌ڤه و به‌رده‌واميێ بده‌ته عه‌شقێ”.
ب گۆره‌ى گۆتنێن دلينارێ، په‌يڤێن ڤێ سترانێ يێن هه‌لبه‌ستڤان كه‌ريم به‌ده‌لن و ئاوازا وێ ژى ئدريس به‌ده‌ل دانايه و روودانێن كليپێ ل باژێرێ هه‌ولێرێ هاتينه كليپكرن و هنده‌ك ديمه‌ن ژى ل دهۆك هاتينه كليپكرن، “كوڕ مامێ من كارێ زارڤه‌كرنێ ل گه‌ل من دكه‌ت”.
ده‌رباره‌ى ده‌مێ به‌لاڤكرنا ڤێ كليپێ ژى دا زانين كو ل ڤان رۆژێن داهاتى دێ به‌لاڤ بيت و گۆت: “پشتى ڤێ كليپێ ژى من ل به‌ره ئێكا سورانى ژى كليپ كه‌م”.
