ل ده‌مێ دیتنا ڤان نیشانا ل ده‌ف زارۆی پێدڤیه سه‌ره‌دانا نوشداری بكه‌ی
ئه‌ڤرۆ، به‌رپه‌رێ ساخله‌میێ:
زارۆ هه‌می ده‌ما پێدڤی ب گرنگی دانێ هه‌یه و پێدڤیه لسه‌ر سه‌میانێت زارۆیا ده‌یك و باب هه‌می ده‌ما چاڤێن وان لسه‌ر زارۆیێن وان بیت و ئاگه‌هدار بن ژ هه‌ر گوهرینه‌كێ لسه‌ر زارۆ دروست دبیت، ل ده‌مێ دیتنا ڤان نیشانا ل ده‌ف زارۆی پێدڤیه زووترین ده‌م سه‌ره‌دانی نوشدارێ بكه‌ی.
ئێك: هه‌ر ده‌مێ ته هه‌ست كر پنیه‌ك لسه‌ر پیستێ زارۆی هه‌ی و به‌رده‌وام مه‌زن دبیت، یان ره‌نگێ پیستێ زارۆی گوهرین بسه‌ر دا دهێت باشتره سه‌ره‌دانی نوشدارێ تایبه‌تمه‌ند بكه‌ی دا كو بزانیت چ ئاریشه هه‌ی و چاره‌سه‌ری بۆ بهێته كرن.
دو: ئه‌گه‌ر پرچا زارۆی ب رێژه‌یه‌كا زۆر وه‌ریا بێ دیار بوونا هیچ نیشانه‌یه‌كا دی، گه‌له‌كا پێدڤیه زاروی ببه‌ی سه‌ره‌دانی نوشدارێ تایبه‌تمه‌ند بكه‌ی چێ دبیت ئه‌گه‌ری ڤێ چه‌ندێ كێم بوونا ڤیتامیناتا بیت د له‌شێ زارۆی دا.
سێ : گوهرین ژ نیشكه‌كێڤه ل ره‌فتارێن زارۆی دا وه‌كی ژ نیشكه‌كێ ڤه توره بیت و هه‌ست ب ماندیبوونێ بكه‌ت، یان كێشا له‌شێ ب رێژه‌یه‌كا گه‌له‌ك زێده بیت یان كێم بیت، ئه‌ڤه وێ چه‌ندێ دیار دكه‌ت كو ئاریشه‌ك د ساخله‌میا زارۆی دا هه‌ی و پێدڤیه ب زووترین ده‌م نیشانێن ڤی حاله‌تی بۆ نوشداری ده‌یه دیاركرن دا چاره‌سه‌ریا زارۆی بكه‌ت.
چار: ئه‌و ده‌مێ زارۆی ته برێژه‌یه‌كا زۆر ئاڤێ ڤه‌دخوت، مه‌رج نینه هه‌می ده‌ما نیشانێن نه‌خوشیێ بیت، به‌لێ باشتره نیشانێن ڤی حاله‌تی بۆ نوشداری بێژی، ژبه‌ركو چێ دبیت نه‌خوشیا شه‌كرێ هه‌بیت یان ئاریشه‌یه‌ك د پیستی دا هه‌بیت.
پێنج: خرخر یان ده‌نگێ خرخرا زارۆی ده‌مێ نڤستنا ئاسایی دان، ئه‌گه‌ر هنده‌ك جاران ئه‌ف حاله‌ته ده‌ف زارۆی په‌یدا بوو، ئه‌و خڕخڕ بشێوه‌یه‌كێ به‌رده‌وام بوو ل ده‌مێ نڤستنێ دا پێدڤیه نوشدارێ تایبه‌تمه‌ند ڤێ نه‌خوشیێ زارۆی ببینیت ژبه‌ركو چێ دبیت ئاریشه‌ك ل ده‌فنا زاروێ هه‌بیت.
