ل ده‌مێ كرینا مۆبایلێ نه‌كه‌ڤه ڤان خه‌له‌تیان
ئه‌ڤرۆ:
بریار دان ل سه‌ر كرینا مۆبایله‌كێ كاره‌كێ گه‌له‌ك گرنگه ل ده‌ف پتریا بكارئینه‌ران، راكرنا پشكه‌ك ژ پاره‌یی ده‌ستكه‌فته ب تایبه‌ت ل ڤی سه‌رده‌می، ژ به‌ر هندێ دڤێت ب هشیاری ڤه سه‌ره‌ده‌ریێ ل گه‌ل هه‌لگرتنا پاره‌یی بكه‌ین.
ئه‌م یێ به‌حس ل وێ بڕیارا خه‌له‌ت دكه‌ین یا هنده‌ك ژ بكارئینه‌رێن مۆبایلان ل ده‌مێ كرینێ ئه‌نجام دده‌ن، ب تایبه‌ت ژی یا به‌ربه‌لاڤترین كو جهێ هه‌لگرتنێ یه و گه‌له‌ك بۆ هه‌لگرتنا رێژه‌كا كێم یا پاره‌یی دكه‌ڤنه وێ خه‌له‌تیێ.
دبیت بڕیارا خه‌له‌ت ل دۆر هه‌لبژارتنا جهێ هه‌لگرتنێ د ناڤ مۆبایلێ دا، ته بێخیته ره‌وشا نه‌یا باش هه‌ر ژ ده‌ستپێكێ و هه‌ر ژ رۆژێن ئێكێ دێ مۆبایل خاڤ بیت، دێ ته دلگران كه‌ت و هه‌ر چه‌ند رۆژان دێ ته نه‌چار كه‌ت كو هنده‌ك تشتان دیلێت بكه‌یی و ئه‌ڤه ژی دێ ته بێ زار كه‌ت.
بۆ نها و ڤی سه‌ره‌ده‌می باشترین جهێ هه‌لگرتنێ بۆ مۆبایلێ 128 گێگا بایته، هه‌كه بۆدجا ته یا كێم بیت، 32 گێگا و 64 گێگا ژی هه‌لبژارتنن.
به‌لێ یا راست مۆبایلا خودانا 32 گێگا بایتا، دێ ب له‌ز جهێ خوه یێ ڤالا ژ ده‌ست ده‌ت و پر بیت د چه‌ند رۆژێن كێم دا ژ پشتی كرینێ و ئه‌ڤه ژی دێ به‌رده‌وام ل ده‌ف ته دیار كه‌ت كو جهێ وێ یێ كێمه یان دێ نه‌چار بی به‌رده‌وام هنده‌ك تشتان دیلێت كه‌یی یان ژی دێ خۆ گری هه‌تا د راوه‌ستیت و كار نه‌كه‌ت و ب نه‌چاره فورمات كه‌ی و هه‌موو تشت بچن.
یا 64 گێگا بایت هه‌تا راده‌كی باشتره، به‌لێ هه‌ر به‌هرا كه‌سی ناكه‌ت، كامیرێن باش یێن هاتین و ئه‌پلیكه‌یشنێن مه‌زن و ژ به‌ر هندێ ژی زوو جهێ وان پڕ دبیت.
یا 128 گێگا بایت هه‌لبژارتنه‌كا دروست بۆ ڤێ به‌رسڤێ. ب ڤی قه‌باره‌یی دێ ته جهه‌كێ به‌رفره‌ه هه‌بیت و تووشی ڤان ئاریشان نابی، دشیان دایه ب هزاران و وێنان و چه‌ندین ئه‌پان و فایلان بكه‌یه د ناڤ دا بێ ئاریشه.
ل ده‌مێ كرینا مۆبایلان دڤێت هزر ل تشته‌كێ گه‌له‌ك گرنگ بكه‌یی، ئه‌و ژی ئه‌وه كو دێ ئه‌ڤ مۆبایله چه‌ند مینیته ل گه‌ل ته، چو پێ نه‌ڤێت یا 128 گێگا بایت دێ بۆ ماوه‌كێ زۆر خوه ل ده‌ف ته گریت، ب ڤێ چه‌ندێ ژی دێ پارێ خوه راگری ب ره‌نگه‌كێ باشتر ژ هه‌ر ناڤبه‌ر ناڤبه‌ر ئێكا بێ سه‌روبه‌ر بكری، ئه‌م به‌حس ل وان مۆبایلێن ئه‌رزان دكه‌ین یێن د بازاری دا كو جوداهیه‌كا زۆرا پاره‌یی د ناڤبه‌را قه‌بارێن وان دا ننیه.
