ل ده‌ڤه‌را بارزان كه‌مپینا كومكرنا هاریكاریان بو ئاوارێن كه‌ركوكێ ده‌ستپێكر
ئه‌ڤرۆ نیوز ، نه‌وزاد هلۆرى:
ب مه‌ره‌ما خزمه‌تكرنا وان ئاوارێن كو ل كه‌ركوك و ده‌ڤه‌رێن دن به‌ر ب باژێر و باژێركێن دن یێن هه‌رێما كوردستانى هاتى ب تایبه‌تى بو هه‌ولێر و سلێمانى و دهۆك ، وه‌كو ئه‌ركه‌ك مرۆڤایه‌تى و نیشتمانى قایمقامیا قه‌زا مێرگه‌سوور كه‌مپیه‌كان كومكرنا هاریكاریان ده‌ستپێكر.
دڤى واریدا راگه‌هاندنا قه‌زا مێرگه‌سوور بو ئه‌ڤرۆ نیوز گۆت: ( وه‌كو ئه‌ركه‌ك نیشتمانى مه ب فه‌ردیت كو ده‌ست ب كومكرنا هاریكاریێن ماددى و پێدڤیێن رۆژانه‌یا ژیانێ بكه‌ین و بو ڤێ مه‌ره‌مێ ژى مه كه‌مپیه‌ك ل قه‌زا مێرگه‌سوور راگه‌هاند و دێ ده‌ست ب وه‌رگرتنا پێدڤیێن خوارن و ڤه‌خوارن و پێدڤیێن دن یێن ژیانا رۆژانه كه‌ین)
زێده‌تر گۆت: ( كه‌مپین دێ ل سه‌نته‌رێ قه‌زایێ هێته‌دانان و تایێن وێ ژى دێ ل سه‌نته‌رێن ناحیان هێنه‌دانان و هه‌موو كه‌س دكارن په‌یوه‌ندیێ ب وان كه‌مپینان بكه‌ن)