ل دومیز ئاگر بەربوو مالەکێ
ئه‌ڤرۆ نيوز:
به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى راگه‌هاند كو ئه‌ڤرۆ پشتى نيڤرۆ ئاگر به‌ربوو ماله‌كێ و تيمێن به‌ره‌ڤانيا باژێرى شيان ئاگرى كۆنترۆل بكه‌ن.
رائيدێ مافپه‌روه‌ر بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى د داخۆيانيه‌كێ دا بۆ ئه‌ڤرۆ نيوز گۆت: “ئەڤرو رۆژا چارشەمبی رێکەفتی 2016/1/13 و ل دەمژمێر 12:00 پشتی نیڤرۆ ئاگر بەربوو مالەکێ ل دومیز”.
زێده‌تر گۆت: “پشتی تمێن بنگەهێ فەیدیێ بهاریکاریا بنگەهێ کەمپا دومیز چووینە جهێ روودانێ شيان ئاگرى كونترۆل بكه‌ن و سۆپاس بۆ خودێ چ زیانێن گیانی نەبوون”.
دا زانين ژى كو پشتی ڤەکۆلینێ دیاربوو کو سویج پلاکێ ئاڤته‌زينكێ کێشەک تێدا چێبوویە و گۆت: “بوو ئەگەر ببیتە شورتێ کارەبێ، زیانێن ماددی ب قاتێ دويێ یێ ئاڤاهی کەفتن”.
