ل دووماهيێ دێ دانپێدانێ كه‌ت
ئەڤرۆ نیوز:
ستێرا تەپا پێ یا پرتوگالی و یانا یوڤانتوس یا ئیتالی ل دووماھیێ نەچارە دانپێدانێ ب گونەھا خوە د چار کێشەیێن رەڤین ژ ئەداکرنا باجێ دا کەت و یێ رازی یە سزایێ دو سالان زێندانکرنێ ل گەل راگرتنا ب جە ئینانێ قەبول بکەت.
مالپەرێ فوتبول یێ ئیتالی ئاماژەکریە گو کریستیانو رونالدوی فێلبازی ب ئەداکرنا باجێ ل ئسپانیا بو ماوێ چار سالان کریە دناڤبەرا سالێن 2011 و 2014 دا دەمێ یاریزانێ یانا ریال مەدرید و ھەر سالەکا فێلبازی کری ب تومەتەکا جودا دھێتە ھژمارتن و ب ڤێ چەندێ کریستیانوی ب چوار کێشەیان یێ تومەتبارە.
ل دور سزایێ وی یێ زیندانکرنێ بو ماوێ دو سالان یاریزانێ نوکە یێ پرتوگالی یێ نەچار نینە بجە بینت و ل دویڤ قانونا ئسپانیا دەلیڤە پێ دھێتە دان بەرەڤانیێ ژ خوە بکەت و راگریت ب مەرجەکی وێ باجێ ئەدابکەت.
دھێتە زانین بەریا نوکە ژی رونالدوی کوژمێ 13,4 ملیون یورویان دابونە دەستھەلاتا ئسپانیا پشتی ڤەدزین ژ داھاتێ خوە یێ ریکلامکرنێ کری کو مافێ ئسپانیا بوو پشکەکێ ژێ وەربگریت.
