ل دووماهیا ڤێ مەهێ شاندەكێ وەبەرهێنەرێن قەتەری دێ سەرەدانا زاخۆ كەت
رێڤەبەرێ گشتیێ وەبەرهێنانێ ل ئیدارا سەربخوە یا زاخۆ دیار كر، بڕیارە ل 27ی گولانا 2024ێ، شاندەكێ وەبەرهێنەرێن قەتەرێ سەرەدانا زاخۆ بكەت، مە ژی شەش پرۆپۆزەل پێشكێش كرینە بۆ ئەنجامدانا وان پڕۆژەیان ژ لایێ وەبەرهێنەرێن قەتەری ڤە.
جگەرخوین تاهر، زێدەتر بۆ رۆژناما ئەڤرۆ دبێژیت: پشتی سەرەدانا شاندێ ئیدارا سەربخوە یا زاخۆ بۆ قەتەرێ، بڕیارە ل 27ی ڤێ مەهێ شاندەكێ وەبەرهێنەرێن قەتەری سەرەدانا ئیدارا سەربخوە یا زاخۆ بكەت، داكو پشكداریێ د كەرتێ وەبەرهێنانێ دا بكەت، هەروەسا سەرەدانا مە بۆ قەتەرێ و سەرەدانا شاندێ قەتەری بۆ زاخۆ دێ یا بەرهەمدار بیت، مە دڤێت مفایی ژ ئەزموونا وەبەرهێنانا قەتەری وەربگرین، ئەو پڕۆژێن هاتینە پێشنیاركرن بۆ وەبەرهێنەرێن قەتەری ل ئیدارا سەربخوە یا زاخۆ پێكهاتینە ژ پڕۆژەكێ ستراتیژی یێ چاندنێ، پڕۆژێ بەنداڤا زاخۆ، دروستكرنا كۆمەلگەهەكا گەشتیاری و هندەك پڕۆژێن دیتر.
